Proqram üzrə sıra №si

Tədbirin adı

İcra müddəti

Tədbirin icrası

Qeyri-neft sektorunun inkişafı

7.3.11.1.

Sənayenin inkişafı istiqamətində tədbirlərin davam etdirilməsi

o cümlədən:

- Pambıq emalı zavodunun istehsal gücünün artırılması;

- Mebel istehsalı müəssisəsinin genişləndirilməsi.

2019-2023

Biləsuvar rayonunda 4 pambıq müəssisəsi - “MKT İK” MMC, “Azərpambıq” MMC, “P-Agro” MMC və “Cotton Trade” MMC fəaliyyət göstərir.

2021-ci ildə Biləsuvar rayonu Əsgərabad kənd ərazisində “P-Agro” MMC tərəfindən 6 ha torpaq sahəsində aylıq istehsal gücü 4 min ton olan pambıq emalı zavodu tikilərək istifadəyə verilmişdir. 2022-ci ildə isə Biləsuvar rayonu Nəsimi kənd ərazisində “Cotton Trade” MMC tərəfindən 15 hektar torpaq sahəsində pambıq emalı zavodu tikilərək istifadəyə verilmişdir.

Biləsuvar rayonunda “ASBELLAVOOD” MMC mebel istehsalı müəssisəsi fəaliyyət göstərir. Ötən illər ərzində mebel istehsalı müəssisəsinin genişləndirilməsi işlərinə başlanılmamışdır.

7.3.11.2.

Kənd təsərrüfatı məhsulları istehsalı və emalı sahəsinin inkişafı

o cümlədən:

- 5000 ha və 4500 ha ərazilərdə taxılçılıq və pambıqçılıq üzrə aqroparkların yaradılması;

- 3363 ha ərazidə heyvandarlıq üzrə aqroparkın yaradılması;

- Əkinçilik təsərrüfatının yaradılması;

- Təzəkənd kəndində nar bağının 130 ha genişləndirilməsi;

- 251 ha yeni intensiv nar bağının salınması;

- 5 ədəd çəltik anbarının (silonun) tikintisi.

2019-2023

Biləsuvar rayonunda 3 aqropark -  5043 ha ərazisi olan “Aqropark Yaşıl Ada” MMC, 5000 ha ərazisi olan “Green Farms Azərbaycan” MMC, 3363 ha ərazisi olan “RULEX” MMC fəaliyyət göstərir.

Aqropark “RULEX” MMC tərəfindən 3363 ha ərazidə 500 başlıq heyvandarlıq kompleksinin yaradılması planlaşıdırılsa da müvafiq işlər həyata keçirilməmişdir.  

Təzəkənd kəndi ərazisində nar bağının sahəsi genişləndirilərək 212,21 ha çatdırılmış, intensiv nar bağının salınması planlaşdırılsa da müvafiq işlər həyata keçirilməmişdir.  

“Muğan Düyü” MMC tərəfindən 5 ədəd çəltik anbarının tikintisi üçün torpaq sahəsi müəyyən edilsə də əkin sahələrinin məhsuldarlığı aşağı olduğundan tikinti işləri aparılmamışdır. 

7.3.11.3.

Kənd təsərrüfatı məhsullarının istehsalının inkişafına xidmət edən infrastrukturun maddi-texniki bazasının möhkəmləndirilməsi

2019-2023

Kənd təsərrüfatı məhsullarının istehsalının inkişafına xidmət edən infrastrukturun maddi-texniki bazasının möhkəmləndirilməsi məqsədilə hesabat dövrü ərzində fiziki şəxslər tərəfindən 406, hüquqi şəxslər tərəfindən isə 871 olmaqla, cəmi 1277 ədəd kənd təsərrüfatı texnikası qeydiyyata alınmışdır.

Yol təsərrüfatı və nəqliyyatın inkişafı

7.3.11.4.

Yerli əhəmiyyətli avtomobil yollarının, eləcə də kəndlərin giriş yollarının və kəndlərarası avtomobil yollarının tikintisinin, yenidən qurulmasının və əsaslı təmirinin davam etdirilməsi

o cümlədən:

- Biləsuvar-Bəhrəmtəpə (56 km)-Çaylı-Bağbanlar-Aranlı-Zəhmətabad avtomobil yolunun yenidən qurulması.

2019-2023

Prezidentinin 28.06.2019-cu il tarixli sərəncamı ilə Biləsuvar–Bəhrəmtəpə (56 km) Çaylı – Bağbanlar – Aranlı –Zəhmətabad avtomobil yolunun tikintisi məqsədilə Azərbaycan Respublikasının dövlət büdcəsinin 5,6 milyon manatı ayrılmış və yolun tikintisi başa çatdırılmışdır.

60 km uzunluğu olan Biləsuvar-Bəhrəmtəpə avtomobil yolunda asfaltlaşdırma, yol çiyinlərinin və yol nişanlarının  quraşdırılması  işləri başa çatdırılmışdır.

Əliabad, Xırmandalı və Bəydili kəndlərini birləşdirən 11 km uzunluğu olan avtomobil yolunun tikintisi başa çatdırılmışdır.

Kommunal xidmətlərin yaxşılaşdırılması

7.3.11.5.

Elektrik enerjisi təminatının yaxşılaşdırılması sahəsində işlərin davam etdirilməsi o cümlədən:

-  5 ədəd (1 girişli) 10-6 kV-luq kompleks transformator məntəqəsinin tikintisi;

-  3 km uzunluğunda 35 kV-luq hava xətlərinin təmiri;

-  1,5 km uzunluğunda 10-6 kV-luq hava xətlərinin tikintisi;

-  6 km uzunluğunda 10-6 kV-luq hava xətlərinin təmiri;

7,2 km uzunluğunda 0,4 kV-luq ÖİN xətlərinin tikintisi.

2019-2023

Elektrik enerjisi təminatının yaxşılaşdırılması məqsədilə 110/6/10 kV-luq “Səmədabad” YS -da yenidənqurma işləri aparılmış, yarımstansiyanın gərginlik sinfi dəyişərək 110/35/10/6 kV-luq gərginlik sinfinə keçirilmişdir. Yarımstansiyada  2 ədəd 25 MVA və 1 ədəd 10 MVA gücündə  tranformatorlar quraşdırılımışdır. Yarım-stansiyasının gücü 54 MVA-dan 60 MVA-ya çatdırılmışdır. Bundan əlavə 25,5 km 110 kV-luq yeni elektrik verilişi xətti çəkilmişdir

110 kV-luq "Yeni Biləsuvar" hava xəttində 170 ədəd 110 kV-luq dayaq quraşdırılaraq 25,5 km məsafədə yeni 110 kV-luq hava xətti çəkilmişdir,32 ədəd 110 kV-luq dayaq 3,1 km məsafədə yenidən qurma işləri görülmüşdü.110/35/10/6 kV-luq Səmədabad y/st-dan- 35/10 kV-luq Muğan y/st-na 76 ədəd dayaq 5,8 km yeni 35 kV-luq hava xətti çəkilmişdir.  

35 kV-luq "Səmədabad" hava xəttində 112 ədəd 35 kV-luq dayaq quraşdırılaraq 16,8 km-dək hissədə təmir işləri aparılmışdır.

Rayon ərazisinə 53 ədəd yeni KTM quraşdırılmışdır, köhnə tipli 143 ədəd Komplekt Transformator Məntəqələri (KTM) müxtəlif güclü müasir KTM-lərlə əvəz olunmuşdur.

Hesabat dövründə 346 ədəd 10 kV-luq KTM əsaslı və cari təmir edilmiş, 25,5 km 110 kV-luq, 5,8 km 35 kV-luq,87.220 km 10 kV-luq hava xəttləri, 170,7 km ÖİN tipli kabel xətləri çəkilmiş və 8300 ədəd müxtəlif gərginlikli dayaqlar quraşdırılmışdır.

Rayonun şəhər ərazisi və 13 kəndin (Xırmandalı, Əliabad, Bağbanlar,

Zəhmədabad, Günəşli, İsmətli, Əsgərabad, Aranlı kəndi, Çinarlı kəndi, Yuxarı Ağalı və Aşağı Cürəli kəndləri) açıq naqillərdən ibarət olan 0,4 kV-luq şəbəkələrinin bir hissəsində yenidənqurma işləri aparılaraq 0,4 kV-luq müasir ÖİN tipli kabel xəttləri çəkilmişdir.

Biləsuvar rayonun Bəydili, Köhnə Amankənd, Dərvişli və Təzəkənd ərazilərinə 0,4 kV-luq h/x-ləri tam kabel xətləri çəkilmişdir.

7.3.11.6.

Qaz təchizatının yaxşılaşdırılması sahəsində işlərin davam etdirilməsi

o cümlədən:

- Xırmandalı kəndi, yeni massivin qazlaşdırılması.

2019-2023

2019-cu ildə rayonun Xırmandalı kəndinin yeni yaşayış massivinin qazlaşdırılması işi başa çatdırılmışdır.

Hesabat dövründə Biləsuvar şəhəri ərazisində M.İbrahimov küçəsi RTS adlanan yeni yaşayış massivində 40 fərdi yaşayış evi, PMK yaşayış massivinə bitişik və Aqroservis ərazisində olan 80 fərdi yaşayış evi, Təyyarə meydanına bitişik Bəydili kənd ərazisi olan 260 yaşayış fərdi yaşayış evi qazlaşdırılmışdır.

2023-cü ildə isə rayonun Köhnə Amankənd adlanan yaşayış massivinə qaz xətti çəkilmişdir.

7.3.11.7.

İçməli su təchizatının və kanalizasiya sistemlərinin yaxşılaşdırılması sahəsində işlərin davam etdirilməsi

2019-2023

Tikintisinə 2012-ci ildə başlanılmış Biləsuvar şəhərinin su təchizatı və kanalizasiya sisteminin yenidən qurulması layihəsi üzrə  kanalizasiya sisteminin tikintisi işləri davam etdirilmişdir.

Rabitə xidmətlərinin yaxşılaşdırılması

7.3.11.8.

Telekommunikasiya və poçt xidmətlərinin yaxşılaşdırılması sahəsində işlərin davam etdirilməsi.

2019-2023

Əhaliyə göstərilən rabitə və poçt xidmətinin  yaxşılaşdırılması ilə bağlı bir sıra işlər görülmüşdür.

2019-cu ildə Əliabad kəndinə və 2020-ci ildə isə Zəhmətabad kəndinə elektron ATS quraşdırılmışdır. 2022-ci ildə Biləsuvar şəhərinə 2700 yerlik DSLAM avadanlığı quraşdırılaraq ümumi tutumun 90%-nin internetləşdirilməsi təmin edilmişdir.

2023-cü ildə şəhər mərkəzi və Əliabad kəndi yeni GPON layihəsinə salınaraq müvafiq işlər həyata keçirilmişdir.

“Azərpoçt” MMC-nin Cəlilabad Regionalı filialının Biləsuvar rayon şöbəsi və 11 poçt agentliyi fəaliyyət göstərir.Hesabat dövründə  poçt şöbəsi və agentliyi tərəfindən  əhaliyə maliyyə xidmətləri və bütün növ poçt xidmətləri, o cümlədən maniqram qəbulu, baratların ödənilməsi, teleqram, sifarişli məktub və

 banderollar, bağlamaların qəbulu kommunal xidmət haqlarının yığımı, telefon abunə və şəhərlərarası danışıq tarifi xidməti, faks xidməti və sair xidmətlər göstərilmişdir.

Meliorasiya və irriqasiya tədbirləri

7.3.11.9.

Torpaqların su təminatının və meliorativ vəziyyətinin yaxşılaşdırılması üçün meliorasiya-irriqasiya tədbirlərinin həyata keçirilməsinin davam etdirilməsi

o cümlədən:

- Dərvişli kəndində subartezian quyularının qazılması;

- Rayonunun sərhəd ərazilərində suyığıcı kollektorun tikilməsi;

- Əzizbəyov kollektorunun yenidən qurulması.

2019-2023

Torpaqların su təminatının və meliorativ vəziyyətinin yaxşılaşdırılması məqsədilə R-1 təsərrüfatlararası paylayıcı torpaq məcralı kanalın 6,05 km beton üzlüyə alınması və üzərindəki qurğuların təmiri işləri nəzərdə tutulmuş, 2023-cü il üzrə bundan 1440 metr hissəsində betonlama işləri başa çatdırılmış və işlər davam etdirilir.

2021-ci ildə Dərvişli kəndində 2 ədəd subartezian quyusu istifadəyə verilmişdir. Hazırda kənd ərazisində 5 ədəd subartezian quyusu istifadə edilir.

Eyni zamanda Təzəkənd kəndində “Azərsu” ASC tərəfindən subartezian quyusu qazılaraq istifadəyə verilsə də hazırda çıxarılan su tam yararsız olduğundan yalnız texniki məqsədlər üçün istifadə edilir.

Biləsuvar rayonunun sərhəd ərazisində «Azərsun-Holdinq» şirkətinə məxsus 800 ha sahədə 28067,3 pm kollektor-drenaj şəbəkəsinin (açıq suyığıcı, qapalı suyığıcı və qapalı ilkin drenlər) tikintisi başa çatmışdır.

2020-ci ildə “Araz çayının Yeni qolundan suyun yeni suvarılacaq torpaq sahələrinə verilməsi üçün paylayıcı kanalların tikintisi” 12000 pm uzunluğunda kanalın qurğularla birlikdə tikintisi  tamamlanmışdır.

2020-ci ildə Əzizbəyov adına kollektorun yenidənqurulması üzrə (Pk 00+Pk 567+80) 4087,29 min kbm həcmində qazma və 805,47 min kbm kəsmə işləri aparılmış və  Biləsuvar rayonu üzrə suyığıcı drenlərin tikintisi 10900 pm yerinə yetirilmişdir. İstismar-təmir tədbirləri hesabına 1298 min kbm həcmində suvarma və kollektor-drenaj şəbəkəsi lildən təmizlənmişdir, 46 ədəd hidrotexniki qurğu təmir edilmişdir.

Mənzil təsərrüfatı və abadlıq-quruculuq işləri

7.3.11.10.

Mənzil şəraitinin yaxşılaşdırılması və abadlıq-quruculuq işlərinin davam etdirilməsi

2019-2023

Azərbaycan Respublikası Prezidentinin 18.09.2018-ci il tarixli sərəncamı ilə Biləsuvar şəhərində istismar müddəti başa çatmış çoxmənzilli binaların sakinlərinin mənzil-məişət şəraitini yaxşılaşdırmaq məqsədi ilə 48 mənzilli yaşayış binasının tikintisi başa çatdırılaraq

 2019-cu ilin noyabr ayında  istifadəyə verilmişdir.

Sosial müdafiənin gücləndirilməsi

7.3.11.11.

Dövlət Məşğulluq Xidməti orqanları tərəfindən işsiz, xüsusilə əmək qabiliyyətli ünvanlı sosial yardım alan, habelə sosial müdafiəyə xüsusi ehtiyacı olan və işə düzəlməkdə çətinlik çəkən şəxslərin özünüməşğulluq proqramına cəlb olunması işinin davam etdirilməsi .

2019-2023

Şirvan-Salyan Regional Məşğulluq Filialı tərəfindən hesabat dövründə Biləsuvar rayonu üzrə 1126 nəfər özünəməşğulluq proqramına cəlb edilmişdir.

Sosial infrastrukturun yaxşılaşdırılması

7.3.11.13.

Mədəniyyət obyektlərinin əsaslı təmiri və tikintisi, tarix-mədəniyyət abidələrinin bərpası və konservasiyası sahəsində işlərin davam etdirilməsi.

2019-2023

2021-ci ildə Vətən Müharibəsi Qəhrəmanı şəhid Nihad Babayevin adına Xırmandalı kənd Uşaq İncəsənət Məktəbində əsaslı təmir işlərinə başlanılmış, məktəbin dam örtüyü bütövlükdə dəyişdirilmiş, taxta pəncərələr sökülərək plastik pəncərələr ilə dəyişdirilmiş, yararsız vəziyyətə düşmüş taxta qapılar yenisi ilə əvəz olunmuş, divarlar sement məhsulu ilə suvanmış və rənglənmiş, döşəmə laminatla üzlənmiş, kombi tipli isitmə sistemi və panel tipli radiatorlar quraşdırılmış və digər təmir işləri aparılmışdır.

7.3.11.15.

Təhsil müəssisələrinin əsaslı təmiri və tikintisi sahəsində işlərin davam etdirilməsi

o cümlədən:

- Biləsuvar şəhərində 1176 şagird yerlik tam orta məktəbin tikintisi;

- K.Ağayev adına Biləsuvar Şəhər Texniki Fənlər Təmayüllü İnternat Tipli Məktəb Liseyinin bərpa-gücləndirmə və əsaslı təmiri;

- Bağbanlar kənd tam orta məktəbi üçün yeni binanın tikintisi;

- Nərimankənd kənd tam orta məktəbi üçün yeni binanın tikintisi;

- Nəsimi kənd tam orta məktəbi üçün yeni binanın tikintisi;

- Zəhmətabad kənd ümumi orta məktəbi üçün yeni binanın tikintisi;

- Bəydili kənd tam orta məktəbinin əsaslı təmiri;

- Səmədabad kənd tam orta məktəbinin əsaslı təmiri;

- Dəvrişli kənd tam orta məktəbinin əsaslı təmiri.

2019-2023

2019-cu ildə Biləsuvar şəhərində 1176 şagird yerlik 1 nömrəli tam orta məktəbin binasının tikintisi işləri başa çatdırılmış və istifadəyə verilmişdir.

Biləsuvar şəhəri M.A.İbrahimov küçəsi 108 ünvanında yerləşən K.Ağayev adına texniki fənlər təmayüllü internat tipli məktəb-liseyin 624 şagird yerlik binasının yenidən qurulması işləri başa çatdırılaraq istifadəyə verilmişdir.

Rayonun Muğan kəndində  80 yerlik “Modul” tipli məktəb binası tikilərək 2019-cu ilin 5 mart tarixində istifadəyə verilmişdir.

Biləsuvar peşə liseyində əsaslı təmir işlərinə 2021-ci ilin yanvar ayından başlanmış, təmir işləri mart ayında başa çatdırılmışdır. Binanın dam örtüyü tamamilə dəyişdirilmişdır.

Əli Almasov adına Səmədabad kənd tam orta məktəbində 2021-ci ilin dekabr ayında əsaslı təmir işlərinə  başlanmış və 2022-ci ilin yanvar ayında binanın dam örtüyünün dəyişdirilməsi başa çatdırılmışdır.

Biləsuvar rayonunun Amankənd kəndində 56 şagird yerlik modul tipli ümumi orta məktəbin tikinti işləri başa çatdırılaraq istifadəyə verilmişdir.

Rüfət Mikayılov adına 1400 şagird yerlik Bəydili kənd tam orta məktəbinin yeni binasının tikintisi başa çatdırılaraq istifadəyə verilmişdir.

Nəsimi kənd Rafiq Rzayev adına tam orta məktəbin köhnə binasının söküntüsü işləri başa çatdırılmış və hazırda məktəb üçün inşa olunan yeni binanın tikintisi aparılır.