Şriftin ölçüsü :

Saytın rəngi :

“Qan ver, yaşat!” təşəbbüsünə qoşulan Biləsuvar rayonunda növbəti qanvermə aksiyası keçirildi.

02 may 2020 | 16:00

Azərbaycan Respublikasının Birinci vitse-prezident Mehriban xanım Əliyevanın koronavirus (COVID-19) pandemiyası ilə əlaqədar ölkədə xüsusi karantin rejiminin tətbiq olunduğu müddətdə talassemiya və hemofiliya, eləcə də leykoz xəstəliyindən əziyyət çəkənlər üçün qan ehtiyatının yaradılmasına dəstək çağırışına qoşulan Biləsuvar rayonunda 2 may  2020-ci il tarixdə qanvermə aksiyası keçirildi.
Biləsuvar rayon Mərkəzi xəstəxanasında  rayon İcra Hakimiyyətinin və Respublika Mərkəzi Qan Bankının Lənkaran bölməsinin  təşkilatçılığı ilə karantin qaydalarına uyğun təşkil olunan aksiyada İcra Hakimiyyətinin, rayon  ictimaiyyətinin və gənclərin  nümayəndələri aktiv şəkildə iştirak edib. Aksiyada Respublika Mərkəzi Qan Bankının Lənkaran bölməsinin  tibb işçiləri tərəfindən sağlamlıq imkanları əvvəlcədən müəyyənləşdirilən 30 nəfər donordan  qan götürüldü.
Toplanan qan ehtiyatı yoxlanılaraq talassemiya, hemofiliya, eləcə də leykoz xəstəliyindən əziyyət çəkən uşaqlar üçün istifadə olunacaq.

Keçidlər