Şriftin ölçüsü :

Saytın rəngi :

Biləsuvarda aprel şəhidləri yad edildi.

03 aprel 2019 | 16:00

03 aprel 2019-ci il tarixdə Biləsuvar rayon Gənclər və İdman İdarəsinin təşkilatçılığı ilə  2016-cı ilin aprel döyüşlərində qəhrəmancasına şəhid olmuş  Dəmirli Hüseyn Zeynal oğlu və Novruzov Fərahim Nadir oğlunun məzarları ziyarət olundu, məzarları  üzərinə  təzə tər çiçək dəstələri düzüldü. Tədbirdə  Biləsuvar rayon Gənclər və İdman İdarəsinin rəisi Aqşin Bağırov,   Qarabağ Müharibəsi  Əlilləri, Veteranları və Şəhid Ailələri İctimai Birliyinin rayon təşkilatının üzvləri,  aprel   döyüşçüləri,  şəhid ailələri və məktəblilər  iştirak etdilər.
  Anım tədbirində  Biləsuvar rayon Gənclər və İdman İdarəsinin rəisi Aqşin Bağırov çıxış edərək bildirdi ki,  məlum aprel döyüşlərində Biləsuvardan olan   gənclər də öz igidlikləri, şəxsi şücaət və rəşadətləri ilə  bizə başucalığı gətirdilər.Onlardan  Dəmirli Hüseyn Zeynal oğlu, Novruzov Fərahim Nadir oğlu və Məmmədov Murad Vaqif oğlu qəhrəmancasına döyüşərək şəhidlik zirvəsinə ucaldılar. Məhz Azərbaycan Ordusu müdrik və qətiyyətli sərkərdəmizin – Prezident İlham Əliyevin rəhbərliyi altında aprel döyüşlərində qələbə qazandı, düşmənin layiqli dərsini verdi. Füzuli, Cəbrayıl və Ağdərə rayonlarının ərazilərində işğal altında olan 2000 hektardan çox torpaq uğurlu əks-hücum əməliyyatı nəticəsində işğalçılardan azad edildi, minlərlə hektar torpaq Azərbaycan Ordusunun tam nəzarətinə keçdi və uzun illərdən sonra qəhrəman döyüşçülərimiz xalqımıza qələbə sevinci yaşatdı. Ali Baş Komandanımızın da dəfələrlə dediyi kimi, aprel döyüşləri dövlətimizin və ordumuzun gücünü, xalqımızın birliyini, həmrəyliyini və vətənpərvərliyini nümayiş etdirdi .
  Tədbirdə   şəhidin valideynləri, yaxınları, aprel döyüşlərinin iştirakşıları və  gənclər   çıxış edərək  aprel döyüşlərində qazanılmış qələbədən sonra vətənpərvərlik ruhunun daha da yüksəldiyini və hər an Ali Baş Komandanın əmrlərinə  hazır  olduqlarını  vurğuladılar

Keçidlər