Şriftin ölçüsü :

Saytın rəngi :

Biləsuvar rayonunda “Uşaqlar bizim gələcəyimizdir” adlı tədbir keçirildi.

30 oktyabr 2018 | 16:00

 30 oktyabr 2018-ci il tarixdə Biləsuvar rayon Heydər Əliyev Mərkəzində rayon İcra Hakimiyyəti və Heydər Əliyev Mərkəzinin təşkilatçılığı ilə “Uşaqlar bizim gələcəyimizdir” adlı tədbir keçirildi.
Tədbirdə Biləsuvar rayon İcra Hakimiyyəti başçısının müavini Ləman Yüzbaşova,aidiyyəti təşkilat rəhbərləri, məkətəbəqədər və ümumitəhsil müəssisələrinin şagirdləri və müəllim kollektivi, valideynlər iştirak etdi.
Biləsuvar rayon İcra Hakimiyyəti başçısının müavini Ləman Yüzbaşova çıxış edərək bildirdi ki, tədbir Azərbaycan Respublikası tərəfindən BMT-nin Uşaq Hüquqları Konvensiyasının ratifikasiya edilməsinin 29 ili tamam olduğu üçün Azərbaycan Respublikasının İnsan Hüquqları üzrə Müvəkkilinin (OMBUDSMAN) təşəbbüsü ilə  20 oktyabr-20 noyabr tarixlərində ənənəvi olaraq respublikamızda həyata keçirilən "Uşaq hüquqları aylığı" çərçivəsində keçirilir.

Qeyd etdi ki,  hər bir dövlət, hər bir cəmiyyət gələcəyi olan uşaqların qayğısına qalmağı, onların fiziki və mənəvi cəhətdən böyüməsini təmin etməyi özünün ən ümdə vəzifələrindən biri hesab edir. Azərbaycan dövləti də bu mühüm məsələyə qayğı ilə yanaşır. Bu gün müstəqil Azərbaycanın uşaqları diqqət və qayğı ilə əhatə olunmuşdur.
L.Yüzbaşova bildirdi ki, respublikamızda uşaqların yüksək qayğı ilə əhatə olunması, əlverişli mənəvi və sosial mühitdə böyüməsi üçün zəruri şəraitin yaradılması,  layiqli vətəndaş kimi formalaşması əsası ümummilli lider Heydər Əliyev tərəfindən qoyulmuşdur.  Ulu Öndər Heydər Əliyev uşaqlara dövlət səviyyəsində qayğını həmişə diqqət mərkəzində saxlayırdı.Bu gün həmin kurs Möhtərəm Prezidentimiz cənab İlham Əliyev tərəfindən uğurla davam etdirilir.
Respublikamızın hər yerində olduğu kimi rayonumuzda da bu sahəyə xüsusi diqqət yetirilir, uşaqlarımızın normal yaşaması, onların təhsili, sağlamlığı, əyləncəsini təşkil etmək üçün ilbəil müxtəlif tədbirlər həyata keçirilir.Bu gun uşaqlara göstərilən dövlət qayğısının tərkib hissəsi olaraq rayonda  yeni-yeni bağçalar tikilir, məktəblər inşa olunur, parklar salınır.
L.Yüzbaşova bir daha uşaqları təbrik edərək bildirdi ki, rayonumuzda həyata keçirilən bu tədbirlər bundan sonra da davam etdiriləcəkdir.
Çıxış edənlər bir daha uşaqları təbrik etdilər və onlara gələcək işlərində uğurlar dilədilər.
Tədbirdə incəsənət ustaları ilə yanaşı, istedadlı uşaqların ifasında konsert proqramları və rəqslər nümayiş etdirildi.

 

Keçidlər