Səmədabad kəndində əhalinin içməli su təminatını yaxşılaşdırmaq üçün yeni su xətti çəkilir.
23 yanvar 2023 | 12:25
Səmədabad kəndinin yeni yaşayış massivində əhalinin içməli və texniki suya olan ehtiyacını ödəmək üçün yeni su xəttinin çəkilişinə başlanılıb. Ümumi uzunluğu 6000 metrə olan su xətti ümumilikdə burada yaşayan 200 nəfər ailənin ehtiyacları üçün nəzərdə tutulub. Hazırda ərazidə suyun çəkilişi üçün qazma işləri aparılır, borular birləşdirilərək basdırılır. Nəzərdə tutulan işlər yekunlaşandan sonra Cənub Muğan kanalının üzərinə su paylayıcı nasos quraşdırılacaq. Lahiyə üzrə sudan Səmədabad kəndinin Biləsuvar-Bəhrəmtəpə yolunun hər iki tərəfində yaşayan əhalisi də istifadə edə biləcək. Suyun çəkilişi tam şəkildə Səmədabad bələdiyyəsinin maliyyə vəsaitləri hesabına aparılır.
Keçidlər
