Şəhid Nicat Qarazadənin xatirəsi ehtiramla anılıb.
13 sentyabr 2023 | 17:15
2022-ci ilin sentyabr ayının 12-dən 13-ə keçən gecə Ermənistan silahlı qüvvələrinin törətdikləri genişmiqyaslı təxribatın qarşısı alınarkən qəhrəmancasına şəhid olan Azərbaycan ordusunun xüsusi təyinatlı qüvvələrində müddətdən artıq hərbi xidmət keçən hərbi qulluqçusu Qarazadə Nicat Malik oğlunun xatirəsi ehtiramla anılıb.
Qəhrəman şəhidimizin ildönümü mərasimində iştirak edən Biləsuvar Rayon İcra Hakimiyyətinin məsul əməkdaşları şəhidin Bakı şəhərindəki evini ziyarət edərək valideynləri ilə görüşüblər. Mərasimdə qəhrəman şəhidimizin şərəfli döyüş yolundan danışılaraq bildirilib ki, xalqımızın qürur yeri olan şəhidlərimizin xatirəsi həmişə əziz tutulacaq, müharibə iştirakçıları və şəhid ailələri dövlət tərəfindən daima diqqət və qayğı ilə əhatə olunacaqdır.
Bildiririk ki, Nicat Malik oğlu Qarazadə 2002-ci ildə anadan olub. O, 2020-ci ildə Səfərbərlik və Hərbi Xidmətə Çağırış üzrə Dövlət Xidmətinin Biləsuvar rayon şöbəsi tərəfindən həqiqi hərbi xidmətə çağırılıb və hərbi xidmətini bitirdikdən sonra xüsusi təyinatlı qüvvələrdə müddətdən artıq hərbi xidmət keçən hərbi qulluqçusu olaraq çalışıb.
Keçidlər
