İcra başçısı şəhid ailələri ilə görüşdü.

Biləsuvar Rayon İcra Hakimiyyətinin başçısı Faiq Qürbətov şəhid ailələrini salamlayaraq, onları, qarşıdan gələn 31 Dekabr-Dünya Azərbaycanlılarının Həmrəylik günü və Yeni il münasibətilə təbrik etdi, hər birinə sağlam, xoşbəxt və sevincli illər arzuladı.

İcra başçısı Prezident, Müzəffər Ali Baş Komandan İlham Əliyevin rəhbərliyi ilə Silahlı Qüvvələrimizin Vətən müharibəsində əldə etdiyi tarixi Zəfərdən danışaraq, Azərbaycan Respublikasının suverenliyi, ərazi bütövlüyü və torpaqlarımızın işğaldan azad edilməsi uğrunda gedən döyüşlərdə qəhrəmancasına şəhid olanların əziz xatirəsinin hər zaman yaddaşlarda yaşayacağını, adlarının tarixə əbədi həkk olunduğunu bildirdi. Şəhid ailələrinin və qazilərimizin dövlət başçısı cənab İlham Əliyevin və Birinci vitse-prezident Mehriban xanım Əliyevanın daim diqqətində olduğunu, onların sosial problemlərinin həlli məqsədilə müvafiq dövlət siyasətinin həyata keçirildiyini qeyd etdi.

Görüşdə iştirak edən şəhid ailələri qəhrəman övladlarının keçdikləri döyüş yolundan söz açıb, onların xatirələrini bölüşüblər.

Sonra şəhid ailələrinin müraciət və təklifləri dinlənilib, onların qarşılaşdığı məsələlər müzakirə olunub.

Görüşdə iştirak edən qəhrəman şəhidlərimizin valideyin və yaxınları onlara göstərilən diqqət və qayğıya görə ölkə başçısına təşəkkürlərini və minnətdarlıqlarını bildiriblər.