Bu gün xalqımıza qarşı törədilən ən qanlı cinayətlərdən biri olan Xocalı soyqırımından 33 il ötür.
26 fevral 2025 | 08:59
İşğalçı Ermənistanın 1992-ci ilin fevral ayının 25-dən 26-na keçən gecə Xocalıda azərbaycanlılara qarşı törətdiyi soyqırım nəticəsində 613 nəfər işgəncə verilməklə vəhşicəsinə öldürülmüş, şəhərin 5379 nəfər əhalisi itkin və didərgin düşmüş, 1275 nəfər əsir və girov götürülərək işgəncələrə məruz qalmış, 487 nəfər müxtəlif dərəcəli bədən xəsarətləri almış, 8 ailə tam məhv edilmiş, 25 uşaq hər iki valideynini, 130 uşaq valideynlərdən birini itirmişdir.
Faciəyə siyasi qiymər verən cənab Prezident İlham Əliyev “Xocalı faciəsi iki yüz ildən çox müddətdə erməni millətçilərinin xalqımıza qarşı apardığı soyqırımı siyasətinin qanlı səhifəsidir” demişdir.
Müzəffər Ali Baş Komandan İlham Əliyevin rəhbərliyi ilə qəhrəman ordumuz Xocalı soyqırımı qurbanlarının, şəhidlərimizin qisasını 44 günlük müharibədə, döyüş meydanında aldı. Şəhidlərimizin qanı yerdə qalmadı, onların ruhları şaddır. Xocalıda dalğalanan bayrağımız bu cinayəti törədənlərə ən layiqli cavabdır.
Prezident İlham Əliyevin işğaldan azad olunmuş Xocalı şəhərində Xocalı Soyqırımı Memorialının yaradılması barədə imzaladığı sərəncam həmin faciədə dünyasını dəyişmiş soydaşlarımıza bütün Azərbaycan xalqının ehtiramının təzahürüdür.
Keçidlər
