Biləsuvarlı şəhidlərin 40 mərasimi keçirilib.
Bu gün ölkəmizin ərazi bötüvlüyünün və Azərbaycanın Konstitusiya quruluşunun bərpa edilməsi məqsədilə 19-20 sentyabr 2023-cü il tarixində aparılmış antiterror tədbirləri zamanı Biləsuvar rayonunda olan şəhidlərimiz Rəsul Yusif oğlu Teymurovun, Azər Sulduz oğlu Məmmədovun və Rəşid Mədət oğlu Zeynallının 40 mərasimlərində xatirələri ehtiramla anılıb.
Mərasimlərdə iştirak edən Biləsuvar Rayon İcra Hakimiyyətinin başçısı Faiq Qürbətov və rayon ictimaiyyətin nümayəndələri şəhidlərin ata ocağını ziyarət edərək valideynləri və yaxınları ilə görüşüblər.
Şəhidlərin 40 mərasimlərində bildirilib ki, Azərbaycan xalqının qüruru, fəxri olan şəhidlərimizin xatirəsi daim əziz tutulacaq və dövlətimiz hər zaman şəhidlik zirvəsinə ucalan igidlərimizin ailələrinin yanında olacaqdır.
