Biləsuvarda qanunsuz tikililər sökülüb.

19 fevral 2025 | 14:24

Biləsuvar rayon Əliabad kənd sakini Quluzadə Elvin Abbas oğlu tərəfindən müvafiq icazəverici sənədlər olmadan rayonun İran İR-sı istiqamətindəki magistral avtomobil yolunun mühafizə zolağına və vətəndaş Miriyev Adil Pirverdi oğlu tərəfindən icarəyə götürülmüş dövlət mülkiyyətinə aid kənd təsərrüfatı təyinatlı əkin sahəsinin müəyyən hissəsinə aid olmaqla qanunsuz olaraq yanacaqdoldurma məntəqəsinin və digər yardımçı obyektlərin tikintisinin aparılması faktları aşkar edilib.

Biləsuvar Rayon İcra Hakimiyyətinin Əmlak Məsələləri Dövlət Xidmətinin 8 saylı Cəlilabad Ərazi İdarəsinin və Biləsuvar rayon Polis şöbəsinin əməkdaşlarının iştirakı ilə həyata keçirilən tədbirlər nəticəsində qanunsuz inşa edilən tikililər sökülüb.

Keçidlər