Biləsuvar rayonunda “Radikal dini cərəyanların mahiyyəti və gənclərə psixoloji təsir üsulları” mövzusunda tədbir keçirilib.

  26 dekabr 2024-cü il tarixində Biləsuvar rayonu Heydər Əliyev Mərkəzində Dini Qurumlarla İş üzrə Dövlət Komitəsinin Şirvan-Salyan regional bölməsinin  və Biləsuvar Rayon İcra Hakimiyyətinin birgə təşkilatçılığı ilə “Sərnişin təyyarəsinin qəzaya uğraması nəticəsində həlak olanların xatirəsi ilə bagli” və “Radikal dini cərəyanların mahiyyəti və gənclərə psixoloji təsir üsulları” mövzusunda tədbir keçirilmişdir.

         Tədbirdə Biləsuvar Rayon İcra Hakimiyyəti başçısının müavini Ləman Yüzbaşova, DQİDK-nin Şirvan-Salyan regional bölməsinin  müdiri vəzifəsini icra edən Sənan Xəlilov, Yeni Azərbaycan Partiyasının Biləsuvar rayon təşkilatının sədri Kamil Qurbanlı, Biləsuvar Rayon Polis Şöbəsinin cinayət-axtarış şöbəsinin rəisi, polis kapitanı Toğrul Katibli, Dövlət Təhlükəsizlik Xidmətinin Biləsuvar rayon şöbəsinin əməkdaşı Ziya Zəkəryəyev, Biləsuvar rayon “Cümə” məscidinin imamı, Qafqaz Müsəlmanlar İdarəsinin səlahiyyətli nümayəndəsi Əlifağa Murtuzov, din xadimləri və dini icma üzvləri iştirak etmişdirlər.

Tədbir sərnişin təyyarəsinin qəzaya uğraması nəticəsində həlak olanların və şəhidlərimizin əziz xatirəsinin yad olunması ilə başlanmışdır. Matəmlə əlaqədar olaraq din xadimlərinə müvafiq tövsiyələr verilmiş və bu istiqamətdə də tədbirlərin görülməsi planlaşdırılmışdır.

Çıxışlarda dini radikalizmin mahiyyəti və onunla mübarizə yollarından danışılmışdır. Azərbaycanda dini radikalizmə qarşı fəal və məqsədyönlü maarifləndirmə işləri aparıldığını, gənclərin radikal dini cərəyanların təsiri altına düşməsindən qorunmasının vacibliyini, eyni zamanda dini radikalizmin fəsadları barədə geniş məlumat verilmişdir.