Biləsuvar rayonunda 18 May - Beynəlxalq Muzeylər Günü qeyd olunub.
Biləsuvar Regional Mədəniyyət İdarəsinin təşkilatçılığı ilə rayonun Mərkəzi Parkında keçirilən tədbirdə Rayon İcra Hakimiyyətinin başçısı Faiq Qürbətov, Rayon Polis Şöbəsinin rəisi Nəsib Məmmədov, Regional Mədəniyyət İdarəsinin rəisi Əlisultan Sadıqov, mədəniyyət müəssisələrinin və rayon ictimaiyyətinin nümayəndələri iştirak edib.
Tədbirdə təşkil olunan sərgiyə baxış keçirilib, bu günün tarixi əhəmiyyətindən söz açılıb.
Qeyd olunub ki, Beynəlxalq Muzeylər Günü Beynəlxalq Muzeylər Şurası (ICOM) tərəfindən xalqlar arasında mədəni mübadilə və əməkdaşlığın inkişafına kömək məqsədilə təsis olunmuşdur, bayram hər il müxtəlif deviz altında keçirilir. Bu il Beynəlxalq Muzeylər Günü “Muzeylərin gücü” mövzusuna həsr olunub.
Tədbirdə rayonun müsiqiçilərinin hazırladıqları konsert proqramı təqdim olundu.
