Biləsuvar rayonunun Xırmandalı kəndində əhalinin içməli su təminatını yaxşılaşdırmaq üçün yeni su xətti çəkilir.
Rayonun ən böyük yaşayış məntəqələrindən olan Xırmandalı kəndində əhalinin içməli su problemi daim aktual məsələ olub. Kəndin bir hissəsinə əvvəlki illərdə içməli su çəkilsə də, 10 min nəfərdən çox əhalisi olan kənddə içməli suya olan təlabat hələ də qalır.
Hazırda “Azərsu” ASC-nin dəstəyi ilə Biləsuvar Su Kanal Sahəsi tərəfindən bu istiqamətdə aparılan işlərə yenidən start verilərək kəndin digər su verilməyən hissəsinə də içməli suyun çəkilişinə başlanılmışdır.6 min nəfərə yaxın əhalinin yaşadığı bu əraziyə 13 km uzunluğunda müxtəlif diametrli borular çəkilərək, 120 ədəd bulağın quraşdırılması nəzərdə tutulmuşdur. Xırmandalı kəndində yaşayan sakinləri keyfiyyətli və dayanıqlı içməli su ilə təmin etmək məqsədilə su mənbəyi Şirvan-Muğan qrup su kəmərindən Biləsuvar şəhərinə verilən duruldulmuş və təmizlənmiş sudan istifadə olunacaqdır.
Kənd əhalisi içməli su problemlərin həllinə göstərilən diqqət və qayğıya görə Ölkə Prezidenti cənab İlham Əliyevə minnətdarlıqlarını bildiriblər.
Hazırda işlər sürətlə davam etdirilir.
.jpg)
.jpg)
