Biləsuvar rayonunda bədən tərbiyəsi və idman günü münasibətilə idmançılarla görüş keçirilmişdir.

05  mart  2014-cü il tarixdə  rayon Gənclər və İdman idarəsinin təşkilatçılığı ilə Heydər Əliyev Mərkəzində 5 Mart-Bədən tərbiyəsi və idman günü münasibətilə  rayonun tanınmış idmançıları ilə görüş keçirilmişdir.Görüşdə Biləsuvar rayon İcra Hakimiyyəti Başçısının müavini Xəyalə xanım Qəmbərova, Gənclər və İdman idarəsinin rəisi Aqşin Bağırov,  idmançılar, ümumtəhsil məktəblərinin bədən tərbiyə müəllimləri və gənclər iştirak etmişdir.İştirakçılar əvvəlcə rayon idmançılarının qazandığı medallar və fəxri kuboklar sərgisinə tamaşa etmişlər.
Tədbirdə rayon Gənclər və İdman idarəsinin rəisi Aqşin Bağırov rayonda bədən tərbiyəsi və idmanın inkişafı ilə bağlı görülən işlər barədə məlumat verərək bildirdi ki, cənab Prezidentimiz İlham Əliyevin birbaşa dəstəyi və köməkliyi sayəsində bu gün idmançılarımız fəxrlə müxtəlif yarışlarda ölkəmizin bayrağını ucaldırlar.Rayonda idmanın inkişafı və daha kütləvi hal alması üçün müasir tələblərə cavab verən Olimpiya idman kompleksi tikilmişdir.Hazırda burada  887  yerlik  qapalı  idman zalı,  1552  yerlik   açıq   futbol  stadionu,  voleybol  və  basketbol   üçün   açıq  stadionlar, 450 m2 -lik  üzgüçülük  hovuzu, 2 ağır  atletika,  1  cüdo  zalları  fəaliyyət  göstərir.Bu gün  kompleksdə  idmanın  9  növü  üzrə  18  qrupda  315  nəfər   daimi  idmanla    məşğul  olur. Təkcə fevral  ayında   kompleksin  xidmətlərindən  650  nəfərdən  çox   idman  həvəskarı  istifadə  etmişdir.Rayonda futbol yarışları keçirmək üçün böyük stadion, bütün kəndlərimizdə sadə idman qurğuları vardır.Məktəblərimizdə idman zalları fəaliyyət göstərir ki, bu da məktəblərdə bədən tərbiyə dərslərinin daha keyfiyyətli keçirilməsi üçün zəmin yaradır.Məhz görülən bu işlərin nəticəsidir ki, bu gün idmançılarımızın xoş soraqları bir çox mötəbər tədbirlərdən gəlir.
Sonra   rayon İcra Hakimiyyəti Başçısının müavini Xəyalə xanım Qəmbərova çıxış edərək ölkəmizdə və rayonumuzda idmanın inkişafına göstərilən dövlət qayğısından danışdı.Bildirdi ki, Azərbaycan Respublikasının Prezidenti İlham Əliyev cənabları gələcək nəsillərimizin sağlam, pis vərdişlərdən  uzaq olmaları üçün ölçüyəgəlməz işlər görür və daim çalışır ki, ölkəmizdə sağlam və zəngin dünyagörüşlü bir gənclik olsun. Bu məqsədlə ölkə rəhbəri tərəfindən bir çox dövlət proqramları və inkişaf konsepsiyaları qəbul olunmuşdur.Rayonumuzda da cənab Prezidentin tapşırıq və tövsiyyələrinə uyğun olaraq bir çox işlər görülmüşdur.Rayon rəhbərliyi mütəmadi olaraq rayon gəncləri və idmançılarla görüşlər keçirir, onların problemləri öyrənilərək köməklik olunur.
Görüşdə  idmançılar çıxış edərək onlara göstərilən qayğı və diqqətə görə Ölkə Prezidenti cənab İlham Əliyevə və rayon rəhbərliyinə öz minnətdarlıqlarını bildirdilər.Sonda bir qrup idmançı qazandıqları uğurlara görə fəxri fərmanlarla mükafatlandırıldı.