Biləsuvar rayonunda 31 dekabr- Dünya Azərbaycanlılarının Həmrəylik günü və Yeni il tədbiri keçirildi.

28 dekabr 2019 | 16:00

28 dekabr 2019-cu il tarixdə Biləsuvar rayonundakı Heydər Əliyev Parkında 31 dekabr- Dünya Azərbaycanlılarının Həmrəylik günü və Yeni il bayramı münasibəti ilə tədbiri keçirildi.
Tədbirdə Biləsuvar rayon İcra Hakimiyyətinin başçısı Mahir Quliyev, hüquq-mühafizə orqanlarının rəhbərləri, idarə, müəssisə, təşkilatların, ümumtəhsil müəssisələrinin, uşaq bağçaların kollektivləri və rayon əhalisi iştirak etdi.
Rayon İcra Hakimiyyətinin başçısı Mahir Quliyev tədbirdə çıxış edərək 2019-cu ildə rayonumuzun və ümumilikdə respublikamızın mədəni həyatında baş verən hadisələr barədə danışaraq, aparılan geniş sosial-iqtisadi inkişaf, görülən abadlıq və quruculuq işləri barədə ətraflı məlumat verdi.
M.Quliyev vurğuladı ki, bu inkişaf Respublikamızın Prezidenti cənab İlham Əliyevin rəhbərliyi və dəstəyi sayəsində bundan sonra da davam etdiriləcəkdir.
Tədbirdə Rayon İcra Hakimiyyətinin başçısı rayon əhalisini 31 dekabr-Dünya Azərbaycanlılarının Həmrəylik günü və Yeni il bayramı münasibətilə təbrik edərək ən xoş arzularını bildirdi.
Tədbirdə rayonun tanınmış incəsənət xadimlərinin ifasında musiqilər səsləndirildi.

Keçidlər