Biləsuvar rayonunda 2 Fevral-Gənclər günü tədbiri keçirilmişdir.

01 fevral 2014-cü ildə Biləsuvar  rayonundakı “Zirvə” şadlıq evində 2 Fevral-Gənclər günü münasibətilə tədbir keçirilmişdir. Tədbirdə rayon İcra Hakimiyyətinin başçısı Mahir Quliyev, hüquq mühafizə orqanlarının rəhbərləri, rayonun aidiyyatı idarə, müəssisə və təşkilatlarında çalışan gənclər,ali və orta ixtisas məktəblərində təhsil alan tələbələr, idmançılar və fəal gənclər iştirak etmişlər.Tədbiri giriş sözü ilə açan Gənclər və İdman idarəsinin rəisi Aqşin Bağırov bildirdi ki, təməli  ulu öndər Heydər Əliyev  tərəfindən qoyulmuş gənclər siyasətinin   bu gün möhtərəm Prezidentimiz cənab İlham Əliyev tərəfindən çox böyük uğurla  davam   etdirilməsi  gənclərimizdə böyük ruh yüksəkliyi,işıqlı  sabahımıza  dərin  inam yaratmışdır.Müstəqil Azərbaycanın bugünki gəncləri ölkəmizdə həyata keçirilən  əhəmiyyətli layihələrin  ən fəal  iştirakçılarıdır.Dövlət başçımızın  yüksək qayğısı sayəsində  Azərbaycan idmançılarının  xoş sədaları  dünyanın  ən mühüm  turnirlərindən  eşidilir.Respublika gənlərinin tərkib hissəsi olan biləsuvarlı gənclərimizdə bu gün cəmiyyətimizin   bütün sferasında  əzmkarlıq və  fədakarlıq göstərir,rayonumuzun ictimai-siyasi həyatında,aparılan geniş miqyaslı abadlıq və quruculuq  işlərində yaxından iştirak edirlər. Ötən il gənclərimizin yüksək ictimai fəalliq  və birlik  nümayiş etdirərək “Azərbaycan gəncliyi Dövlət Proqramı” çərçivəsində  rayonumuzu 2013-cü ilin  Gənclər paytaxtı elan edilməsi  bunun bariz nümunəsidir.Bu mənada başa vurduğumuz 2013-cü il  gənclərimizin  yaddaşında həmişəlik qalacaqdır. Biz həmyerlimiz ,öz qəhrəmanlığı ilə bütün   türk dünyasına örnək  olan Azərbaycanın Milli Qəhrəmanı  Mübariz Ağakərim  oğlu  İbrahimovla  fəxr edirik.Təsadüfi deyil ki,Biləsuvarlı gənclər bu gün  hərbi xidmət borclarını  yerinə yetirməyə  həvəslə  yola düşür,vətənə şərəflə  xidmət edirlər.Rayon əhalisinin 30 faizini təşkil edən gənclərimiz onlara yaradılan bu gözəl şəraitdən istifadə edərək daima ölkəmizin və rayonumuzun adını ucaltmağa çalışırlar.İstər ali məktəblərdə oxuyan tələbələrimiz, istər bayrağımızı dünya ölkələri arasında ən uca zirvələrdə dalğalandıran idmançılarımız, istərsədə digər sahələrdə çalışan gənclərimiz bu gun Azərbaycan Respublikasının Prezidenti cənab İlham Əliyevin rəhbərliyi altında birləşərək ölkəmizin işıqlı gələcəyi naminə, min illərlə müstəqil yaşaması naminə var qüvvələrini əsirgəməyəcəklər.Tədbirdə rayon gəncləri çıxış edərək ürək sözlərini dedilər və istəklərini bildirdilər.
      Görüşdə  rayon icra hakimiyyətinin başçısı Mahir Quliyev çıxış edərək bildirdi ki,1997-ci ildən fevralın 2-si ümumilli liderimiz  Heydər Əliyevin sərəncamı ilə Azərbaycan Gəncləri günü elan olunub və bütün MDB və Şərqi Avropa məkanında ilk dəfə Gənclər Günü Azərbaycanda təsis edilib. Hətta Birləşmiş Millətlər Təşkilatı belə Azərbaycandan 1 il sonra, 1998-ci ilin avqust ayında Ümumdünya Gəclər gününü təsis edib.Budur Azərbaycan dövlətinin öz gənclərinə verdiyi dəyər.İstər Ümummilli Liderimiz Heydər Əliyev, istərsə də cənab Prezidentimiz İlham Əliyev tərəfindən gənclərimiz daim qayğı ilə əhatə olunub, daima onların problemləri öyrənilib və həlli istiqamətində addımlar atılıb.Bugün Azərbaycan gəncliyi dünyada öz sözünü deməyə qadir bir gənclikdir.İstər elm, təhsil sahəsində, istərsədə idman uğurlarımız bunu deməyə imkan verir.Ölkə Prezidentinin tapşırığı əsasında gənclərimiz dövlət idarəçilik sisteminin ən yüksək pillələrinə seçilirlər.Onlara çox böyük etimadlar göstərilir.Və əlbəttə ki, gənclər bu etimadları layiqincə doğruldurlar.Bu gün rayonumuzda da gənclərə böyük imkanlar yaradılmışdır. Müasir standartlara cavab verən Olimpiya Idman Kompleksi, Heydər Əliyev Mərkəzi tikilmişdir.Bu şəraitdən yararlanaraq onlar ayrı-ayrı sahələrdə respublikamızı və rayonumuzu təmsil edirlər.Gənclərimiz rayonun idarə,müəssisə rəhbərliyi postlarına irəli çəkilirlər.Bütün bunlar onu göstərir ki, artıq gəclərimiz   onlara  bəslənilən  ümidləri  layiqincə  doğruldurlar.M.Quliyev çıxışının sonunda bir daha gənclərə öz işlərində müvəfəqiyyətlər arzulayaraq, Ölkə Prezidenti cənab İlham Əliyevin ətrafında  sıx birlik  nümayiş etdirməklə  yeni-yeni  qələbələrə imza atmalarını dilədi. Ayrı-ayrı sahələrdə fərqlənən bir qrup gəncə rayon İcra Hakimiyyətinin Fəxri fərmanları və pul mükafatları verildi.Tədbirdə mədəniyyət işçiləri konsert proqramı ilə çıxış etdilər.