Biləsuvarda akademik Zərifə xanım Əliyevanın anadan olmasının 93-cü ildönümünə həsr olunmuş tədbir keçirildi.

27  aprel  2016-cı  il tarixdə   Biləsuvar  rayon  İcra  Hakimiyyəti və  YAP  Biləsuvar  rayon  təşkilatı  Qadınlar  Şurasının   təşkilatçılığı  ilə  görkəmli  oftalmoloq,  akademik  Zərifə xanım Əliyevanın anadan  olmasının  93-cü  ildönümünə  həsr  olunmuş  tədbir  keçirildi.
Tədbirdə  Yeni Azərbaycan Partiyası  Biləsuvar rayon təşkilatı Qadınlar Şurasının sədri Ləman  Yüzbaşova  və  Qadınlar Şurası  İdarə  Heyətinin  üzvləri,  rayonun  ziyalı  qadınları iştirak etdilər.
Anım tədbirində YAP  Biləsuvar rayon təşkilatı Qadınlar Şurasının sədri Ləman  Yüzbaşova  çıxış edərək     akademik Zərifə  xanım Əliyevanın  həyat  və  fəaliyyəti barədə ətraflı məlumat verdi.L.Yüzbaşova  bildirdi  ki, akademik Zərifə Əliyevanın həyat  və  yaradıcılığı   Azərbaycan  tarixinin  şərəfli  səhifələrini  əhatə  edir.Ömrü  bir  xatirəyə  çevrilmiş görkəmli  akademiki insanlara  sevdirən  bir  çox  amillər  var  ki,  ən  əsası  onun  təmənnsız insan  olması  idi. Hələ  sovet  ideologiyasının  sərt  qanunlarının  mövcud  olduğu  xalqına,  millətinə  şərəflə,  vicdanla  xidmət  edirdi. O  alim  kimi elmə verdiyi töhfələri,  səmimiliyi,  vətəndaşlıq  mövqeyi ilə hər  zaman  insanların  qəlbində  əbədi  yaşamağa layiqdir.
Tədbirdə  Rayon  Qadınlar  Şurasının  sədri  Xalidə  Ağayeva, Əlil Qadınlar  Cəmiyyətinin  sədri   Firəngiz  Həbibova,  Mərkəzi  Xəstəxananın  həkimi Alimə  Kazımova, YAP rayon  təşkilatının  aparat  rəhbəri  Əjdər  Niftiyev  və  digər  rayon  ziyalıları   çıxış  edərək  Zərifə xanımın qayğıkeş ana, əsl insan kimi hər bir azərbaycanlı xanıma örnək olduğunu   və  elmi  tədqiqatları ilə Oftolmologiya elmində  misilsiz  xidməti  olduqunu  bildirdilər.
Tədbirdə   Zərifə  xanımın  həyat  və  fəaliyyətini  əks  etdirən  video-çarx  nümayiş  olundu.