Biləsuvar rayonunda əhalinin tibbi müayinədən keçirilməsi davam edir.

Azərbaycan Respublikasının Prezidenti cənab İlham Əliyevin tapşırığına  uyğun olaraq  respublikamızın hər yerində olduğu kimi Biləsuvar rayonunda  da 15 fevral 2016-cı il tarixdən etibarən əhalinin tibbi müayinədən keçirilməsi aksiyası başlanılmışdır.Hazırda rayon əhalisinin tibbi müayinədən keçirilməsi uğurla davam etdirilir.
Tədbirin yüksək səviyyədə icrası məqsədilə  Biləsuvar rayon İcra Hakimiyyəti Başçısının 10 fevral 2016-cı il tarixli Sərəncamı imzalanmışdır. Sərəncama əsasən  əhalinin tibbi müayinədən keçirilməsinin nəzərdə tutulmuş müddətdə (15 fevral – 02 may  2016-cı il tarixə)  başa çatdırılmasını təmin etmək məqsədilə müvafiq  komissiya yaradılmış,  müayinənin rayonun bütün idarə, müəssisə, və təşkilatlarının  kollektivlərini,   yaşayış məntəqələrini əhatə etməsi üçün qrafiklər tərtib  olunmuşdur. Tibbi müayinənin keyfiyyətlə həyata keçirilməsini təmin etmək məqsədilə tibb müəssisələri hazırlıq vəziyyətinə gətirilmiş,  ixtisaslı həkimlərdən ibarət 2 daimi, 1  səyyari briqadalar yaradılmışdır.Aidiyyəti şəxslərə,  şəhər və kənd inzibati ərazi dairələri üzrə nümayəndəliklərə  tapşırılmışdır ki, kollektivlərinin və  əhalinin  tibbi müayinədən keçirilməsində səhiyyə işçilərinə yaxından köməklik göstərsinlər, əhali arasında müvafiq təşkilati-izahat işlərinin aparılmasını təşkil etsinlər.
2016-cı ilin müayinəyə başlanılan dövrü ərzində  rayon əhalisinin 29357 nəfəri tibbi müayinədən keçmişdir.Müayinə zamanı 826 nəfər ambulator, 18 nəfər isə stasionar müalicəyə cəlb edilmişdir.24 nəfər xəstə isə Bakı şəhərinin tibb müəssisələrində müalicə olunmaq üçün göndərilmişdir.
Yerli mətbuat orqanlarında, idarə, müəssisə və təşkilatlarda, ümumtəhsil müəssisələrində, şəhər və kənd yaşayış məntəqələrində  əhalinin tibbi müayinəyə tam cəlb olunması üçün   maarifləndirmə işləri aparılır.