Biləsuvar rayonunda “Dünyəvi dövlətdə din: Azərbaycan modeli” mövzusunda seminar-treninq keçirildi.

30 mart 2016-cı il tarixdə  Biləsuvar rayonunda  “Dünyəvi dövlətdə din: Azərbaycan modeli” mövzusunda seminar-treninq keçirildi.
Tədbirdə Biləsuvar rayon İcra Hakimiyyəti Başçısının birinci müavini Xanlar Məmmədov, Azərbaycan Respublikası Dini Qurumlarla İş üzrə Dövlət Komitəsi sədrinin 1-ci müavini Səyyad Salahlı, rayon icra hakimiyyətinin, Dini  Qurumlarla  İş  üzrə  Dövlət  Komitəsinin məsul işçiləri,  din xadimləri, ağsaqqallar və  icra nümayəndələri iştirak etdi.
Tədbiri giriş sözü ilə açan rayon İcra Hakimiyyəti Başçısının birinci müavini Xanlar Məmmədov rayonda dövlət və din münasibətləri istiqamətində görülən işlər barədə ətraflı məlumat verdi.Bildirdi ki, respublikamızda insan hüquq və  azadlıqlarının bərqərar olmasına, milli mənəvi dəyərlərimizin  qorunmasına və tolerantlıq ənənələrinin möhkəmləndirilməsinə  böyük önəm verilir.Ümummili lider Heydər Əliyevin ardıcıl, məqsədyönlü fəaliyyəti  sayəsində ölkəmizdə insan hüquqlarının qorunmasına dair qanunvericilik bazası  beynəlxalq hüquq normalarına uyğunlaşdırılmış, dövlət-din münasibətlərinin tənzimlənməsi  prinsipləri təsbit olunmuş, dini etiqad azadlığı ilə bağlı hüquqi-normativ aktların icrasının təmin olunmasına  nəzarət edilməsi, konfessiyalar arasında  dözümlülük ənənəsinin möhkəmləndirilməsi, milli-mənəvi abidələrimizin bərpası və qorunmasında mühüm tədbirlər həyat keçirilmişdir. Birmənalı demək olar ki, Azərbaycanda qəbul edilən qanunlar və normativ aktlar  bütövlükdə əqidə azadlığını təmin edir  və yarana biləcək problemləri həll etmək, dövlətlə dini qurumlar arasındakı münasibətləri qanun çərçivəsində tənzimləmək  üçün hüquqi əsas yaradır.
Aydındır ki, Azərbaycan Respublikasının Konstitusiyası,  “Dini etiqad azadlığı haqqinda”  və “Dini ekstermizmə qarşı mübarizə haqqında” Azərbayca Respublikasının qanunları  ilə ölkəmizdə dini etiqad azadlığı, eləcədə dini fanatizm, dini radikalizm, dini ekstermizm hallarına qarşı mübarizə tam təmin olunub. Ən mütərəqqi və sivil dəyərlərə əsaslanan qanunvericilik bazamız  imkan verir ki,  ölkəmizdə istənilən vətəndaş öz arzusu ilə istədiyi dinə sitayiş etsin. Lakin bu o demək deyil ki,  xarici dövlətlərin dini misioner təşkilatları ölkəmizdə istənilən təbliğatı qura  və din pərdəsi adı altında küllü miqdar da  pul vəsaiti xərc etməklə, maddi baxımdan az təminatlı insanları əla alaraq,  dövrü mətbuata  və ayrı-ayrı informasiya kanallarına qeyri obyektiv məlumatlar ötürməklə,  bu kimi digər mürtəce niyyətli əməllərlə  təmsil etdikləri dövlətlərin maraqlarını həyat keçirə bilərlər. Bu və buna bənzər faktlar Azərbaycan respublikasının  milli və siyasi maraqlarına ziddir və belə halların qarşısı mütləq  və qətiyyətlə alınmalıdır. Həm də unutmamalıyıq ki, hər bir dövlətin əsas funksiyası  cəmiyyətdə baş verə biləcək zidiyyətləri əvvəlcədən görmək və onun qarşısını almaqdır. Bu baxımdan  dövlətimiz kifayət qədər gücə və təcrübəyə malikdir.
Rayonumuzda  da həmişə dini baxımdan sabitlik hökm sürmüş, xalqımıza xas olan tolerantlıq ənənələri qorunub saxlanılmışdır. Bu gün  Biləsuvar rayonunda 44 məscid mövcuddur.Rəsmi dövlət  qeydiyyatından keçmiş 11 dini icma fəaliyyət göstərir. Bir dini icmanın sənədləri qeydiyyata alınmaqdan ötrü müvafiq dövlət strukturuna təqdim edilmişdir.
Təssüflə qeyd olunmalıdır ki, son zamanlar ölkəmizdəki tolerantlıqdan narahat olan qeyri ənənəvi dini cərəyanların  nümayəndələri müxtəlif vasitələrlə radikal dini fəaliyyətlə məşğul olmağa cəhd edirlər.Bu kimi niyyətləri dövlətimiz və respublika ictimayyəti daim dəf edib. Baxmayaraq ki, öz polietnik tərkibinin zənginliyinə görə respublikamız nadir ölkələrdəndir və bunlar nəzərə  alınaraq hadisə və proseslərin dövlət səviyyəsində tənzimlənməsinə nəzarət mexanizmi yaradılmışdır. Bu mexanizm Dini Qurumlarla İş üzrə Dövlət Komitəsi tərəfindən idarə olunur. Odurki, dini təbliğat adı ilə pərdələnərərk öz maraqlarını ideoloji müstəvidə gerçəkləşdirməyə çalışan  qüvvələrə qarşı ən kəsərli mübarizə silahı milli dəyərlərin qorunması və eləcədə bu sahədə Azərbaycan Respublikası adından həyat keçirilən tədbirlərin dəstəklənməsidir.
Tədbirdə  Dini  Qurumlarla  İş  üzrə  Dövlət  Komitəsi sədrinin birinci müavini Səyyad Salahlı çıxış edərək Azərbaycanda dövlət və din münasibətləri və bu istiqamətdə görülən işlər barədə geniş məlumat verdi. S.Salahlı respublikamızda  dövlət-din münasibətlərinin daha yüksək səviyyədə   tənzimlənməsi,  dini maarifləndirmə işinin  təşkili və həyata  keçirilməsi, həmçinin dini  icmaların  cəmiyyətdə radikalizm  meyllərinin qarşısının alınması  və sosial  problemlərinin həlli prosesinə  cəlb olunması sahəsində dövlətin həyata keçirdiyi tədbirləri din xadimlərinin nəzərinə çatdırdı.
Çıxış edən natiqlər də bu sahədə görülən işlərdən danışaraq dinimizi yad ünsürlərdən qorumanın yolları, son vaxtlar qeyri ənənəvi, zərərli dini cərəyan və təriqətlərlə bağlı  fikir mübadiləsi apardılar.
Sonda tədbir iştirakçıları tərəfindən verilən suallar cavablandırıldı.