Biləsuvar rayonunun məktəbəqədər tərbiyə müəssisələrində “Novruz uşaqların gözü ilə” layihəsi çərçivəsində tədbirlər keçirilir.

14 mart 2016-cı il tarixdən başlayaraq Biləsuvar  rayonunun uşaq bağçalarında “Novruz uşaqların gözü ilə” layihəsi çərçivəsində bayram tədbirləri keçirilir.
Biləsuvar şəhər 2 saylı bağçada keçirilən tədbirdə rayon  İcra  Hakimiyyəti Başçısının müavini Xəyalə xanım Qəmbərova, məktəbəqədər  tərbiyə  müəssisələrinin rəhbərləri, bağçanın kollektivi və  valideynlər  iştirak  etdilər.
Tədbiri giriş sözü ilə Şəhər 2 saylı uşaq bağçanın müdiri Sara Hümbətova  açaraq uşaq tərbiyə müəssisəsi barədə ətraflı məlumat verdi.
Biləsuvar ayon  İcra  Hakimiyyəti Başçısının müavini Xəyalə xanım Qəmbərova tədbirdə çıxış  edərək  novruz bayramı münasibətilə bağçanın kollektivini təbrik etdi və xoş arzularını bildirdi.X.Qəmbərova qeyd etdi ki, Azərbaycan Respublikasının Prezidenti cənab İlham Əliyev və Heydər Əliyev Fondunun Prezidenti Mehriban xanım Əliyeva tərəfindən məktəbəqədər tərbiyə müəssisələrinə göstərilən xüsusi qayğının nəticəsidir ki, bu gün rayonumuzda  ən müasir tələblərə cavab verən bağçalar tikilərək istifadəyə verilmişdir.Təkcə ötən il Biləsuvar şəhərində ən müasir standartlara cavab verən 2 yeni bağça tikilmişdir.Bu bağçalarda uşaqlarin istirahəti və təhsili üçün hər cür şərait yaradılmışdır.Hazırda Xırmandalı kəndində yeni bağça binasının tikintisi aparılır.Aparılan bütün bu işlər rayon rəhbərliyinin gələcək nəsillərə  olan diqqətinin nəticəsidir.Bu gün ölkə rəhbərinin həyata keçirdiyi bu siyasətə uyğun olaraq bizim tərbiyə müəssisələrinin kollektivlərinin də üzərlərinə mühüm vəzifələr düşür.Onlar hər bir uşağın sabahın yetkin və sağlan bir vətəndaşı kimi yetişmələri üçün əzmlə çalışmalıdırlar.
Sonra X.Qəmbərova bayram  münasibətilə bağça kollektivini və balacaları bir daha təbrik etdi.
Tədbirdə uşaqlar tərəfindən hazırlanmış müxtəlif səpkili səhnəciklər, şer və mahnılar maraqla qarşılandı.