Biləsuvar rayonunda 2015-ci ilin sosial-iqtisadi inkişafının yekunları və qarşıda duran vəzifələrə həsr olunmuş hesabat yığıncağı keçirildi.

  23 fevral 2016-cı il tarixdə Biləsuvar rayon Heydər Əliyev  Mərkəzində Biləsuvar rayonunda 2015-ci ilin   sosial-iqtisadi inkişafının yekunları və qarşıda duran vəzifələrə həsr olunmuş hesabat yığıncağı keçirildi.
İclasda Biləsuvar rayon İcra Hakimiyyətinin Başçısı Mahir Quliyev, Azərbaycan Respublikası Prezidentinin Administrasiyasının məsul işçisi Habil Əzənmədov, hüquq mühafizə orqanlarının, idarə, müəssisə, təşkilatların rəhbərləri, icra nümayəndələri, bələdiyyə sədrləri, məktəb direktorları, rayonun iş adamları, ağsaqqqallar, gənclər və kütləvi informasiya vasitələrinin nümayəndələri  iştirak etdi.
Hesabat iştirakçıları əvvəlcə Ulu Öndər  Heydər Əliyevin   abidəsini ziyatət edib, əziz xatirəsinə gül dəstələri qoydular. Sonra   rayonun sosial-iqtisadi, mədəni  və aqrar sahədəki inkişafını əks etdirən sərgiyə və rayon sakinləri üçün təşkil edilmiş ərzaq və kənd təsərrüfatı məhsullarının satış yarmarkasına   baxış keçirildi.
Yığıncaqda geniş məruzə ilə çıxış edən Biləsuvar rayon İcra hakimiyyətinin başçısı Mahir Quliyev  ötən 2015-ci ildə rayonda bütün sahələr üzrə görülən işlər barədə ətraflı məlumat verdi.
M.Quliyev bildirdi ki, hesabat dövründə rayonumuzda ümumi məhsul buraxılışının həcmi  214.8 milyon manat olmuşdur. Adambaşına düşən ümumi məhsul buraxılışının həcmi 2170 manat, orta aylıq əmək haqqı isə 289  manat təşkil etmişdir.Ötən il əhalinin gəlirləri 277.6 milyon manat, adambaşına düşən gəlirlərin həcmi isə 282.3 manat olmuşdur.
Azərbaycan Respublikasının Prezidenti cənab İlham Əliyevin ölkəmizdə yeni sənaye müəssisələrinin yaradılması, iş yerlərinin açılması və əhalinin məşğulluqunun təmin edilməsi barədə tapşırıq və tövsiyyələrinə uyğun olaraq Biləsuvar rayonunda da  sənaye məhəlləsinin yaradılması istiqamətində işlər görülmüş, bu məqsədilə 10 hektar torpaq sahəsi ayrılmışdır. Sənaye məhəllələrində ayrı-ayrı sahələr üzrə  emal sexlərinin,  zavod və fabriklərin yaradılması qarşıya başlıca məqsəd kimi qoyulmuşdur. Son illərdə rayonumuzda kənd təsərrüfatı təyinatlı bir necə istehsal və emal müəsissələri yaradılmışdır.Bunlardan “Azərsun” Holdinqin “Natural Green Land” konservi zavodu,”Biləsuvar Aqro” MMC süd zavodu, “Aqromaster” MMC kənd təsətrrüfatım məhsulları istehsalı, “MNK” narçılıq təsərrüfatı və s göstərmək olar.
Biləsuvar rayon İcra Hakimiyyətində sahibkarlığın inkişaf etdirilməsi, əhalinin məşğulluq səviyyəsinin artırılması, yeni iş yerlərinin açılması  və sərmayələrin cəlb edilməsi ilə bağlı  müvafiq sərəncamla 30 nəfərdən ibarət xüsusi qərargah yaradılmış, operativliyi təmin etmək məqsədilə qaynar xətt xidməti təşkil edilmişdir. Biləsuvar rayon İcra Hakimiyyətinin Apellyasiya Şurası və Apellyasiya Şurasının Katibliyi yaradılmışdır.
      Keçirilən iclaslarda sahibkarlar tərəfindən 50 hektar sahədə kompleks heyvandarlıq təsərrüfatının yaradılması, 100 nəfərlik 3 ulduzlu otel tikintisini, çörəkbişirmə sexlərinin genişləndirilməsini,  kollektiv təsərrüfatlarının   yaradılması, yerüstü drenaj sisteminin qurulması, 1000 başlıq qoyunçuluq fermasının yaradılması, bəzi kənd təsərrüfatı texnikalarının alınmasına köməklik olunması, güzəştli şərtlərlə satılan gübrə və dərman preparatlarının normasının artırılması, rayonda çəltikçilik sahəsinin yaradılması  kimi təkliflər vermişlər. Heç şübhəsiz  bu tədbirlərin reallaşması nəticəsində  rayonumuzun iqtisadi-sənaye potensialı daha da güclənəcək,  rayon sakinlərinin məşğulluq probleminin  həllində əhəmiyyətli rol oynayacaqdır.
Rayonda sahibkarlığın inkişafına kömək məqsədilə il ərzində  Sahibkarlığa Kömək Milli Fondu tərəfindən 104 sahibkarlıq subyektinə 1.2 milyon  manat kredit verilmişdir. 3 dekabr 2015-ci il tarixdə  rayonda Sahibkarlığa Kömək Milli Fondu ilə birgə “Sahibkarlığın güzəştli kreditləşdirilməsi məsələləri”nə dair işgüzar forum keçirilmişdir.
Azərbaycan Respublikasının Prezidenti İlham Əliyev cənablarının ölkəmizdə məşğulluğun təmin edilməsi və yeni iş yerlərinin yaradılması haqqında verdiyi tapşırıq və tövsiyyələrə uyğun olaraq  bu ilin  yanvar-fevral ayları  ərzində ayrı-ayrı sahələr üzrə 400-ə   yaxın əlavə iş yerləri açılmış, rayon sakinləri işlə təmin olunmuşlar.
Ötən il Azərbaycan Respublikası Prezidentinin  Sərəncamı ilə 13 min nəfər əhalinin yaşadığı, 6 yaşayış məntəqəsini birləşdirən 16 km uzunluğunda  Günəşli-Ağayrı-İsmətli-Aranlı-Çinarlı-Əliabad avtomobil yolunun  tikintisi başa çatdırılmış, 10,0 min nəfər əhalinin yaşadığı, 4 yaşayış məntəqəsini birləşdirən uzunluğu 6,0 km olan Əsgərabad-Muğan-Çaylı avtomobil yolunun tikintisi isə davam etdirilərək  yolun 2,5 km-də asfalt örtük tikilmişdir.Hazırda yolun asfaltlaşdırılması işləri aparılır. Bundan əlavə şəhərin   Nizami Gəncəvi və Səməd Vurğun küçələrində yol təmiri işləri aparılmış və  yollara 2 km uzunluğunda asfalt örtük qoyulmuşdur. 
Hesabat dövründə  Biləsuvar  şəhərində Heydər Əliyev Fondunun təşəbbüsü ilə müasir tələblərə cavab verən hər biri 100 və 200 yerlik  2 uşaq bağçasının tikintiləri başa çatdırılaraq istifadəyə verilmişdir.
Hazırda Kənd Təsərrüfatı Nazirliyinin, Elektrik şəbəkəsinin, Mərkəzi rayon xəstəxanasın və  Dövlət Sosial Müdafiə Fondunun Biləsuvar  rayon şöbələrinin, Xırmandalı kənd Uşaq bağçası üçün 40 yerlik yeni binanın, Səmədabad kəndində Heydər Əliyev parkının tikintiləri, Əsgərabad kənd tam orta məktəbin əsaslı təmiri işləri davam etdirilir.
Biləsuvar  şəhərinin içməli su  sisteminin  yenidən  qurulması istiqamətində işlər  başa çatdırılmışdır.
Ötən dövr  ərzində rayonda  əhalinin təbii qazla təmin edilməsi istiqamətində  əsaslı  işlər görülərək bütün yaşayış məntəqələri 100 faiz təbii qazla təmin edilmişdir. Rayonda  əhalinin elektrik enerjisi ilə təmin edilməsi və infrastrukturun yenilənməsi istiqamətində ötən 2015-ci ildə əsaslı  işlər görülmüşdür.Rayonun ayrı-ayrı yaşayış məntəqələrində müasir standartlara cavab verən  21 ədəd  yeni transformator quraşdırılaraq ərazisi abadlaşdırılmışdır. 1157 ədəd  dəmir elektrik dirəkləri quraşdırılmış, 26 km  SİP kabel çəkilmişdir. 25 ədəd müxtəlif kilovoltluq elekrtik transformatoru, 7.1 km  hava verlişi xətləri  cari təmir edilmişdir.
Ötən il “İDEA” İctimai Birliyi tərəfindən həyata keçirilən “Birinci Ümumrespublika Yaşıllaşdırma Marafonu” çərçivəsində  rayonumuzda da ağacəkmə aksiyaları keçirilmiş və 3500 ədəd çinar və digər ağaclar əkilmişdir.
2015-ci ilin noyabr ayında “ASAN” xidmət rayonumuzun əhalisinə də öz köməkliyini göstərərək 15 gün ərzində səyyar formada fəaliyyət göstərdi.Bu müddətdə 2436 nəfər biləsuvarlı ayrı-ayrı sahələr üzrə xidmətin fəaliyyətindən istifadə etmişdir.
Biləsuvar rayonu respublikamızın inkişaf etmiş kənd təsərrüfatı rayonu olmaqla, rayonun iqtisadiyyatında kənd təsərrüfatı məhsulları istehsalından gələn gəlirlər başlıca yer tutur.
Ötən il rayon üzrə 41,8 min hektar sahədə mülkiyyətçilər tərəfindən kənd təsərrüfatı bitkilərinin əkini aparılmışdır.  2015-ci ilin məhsulu üçün 2014-cü ilin payızında 22,8 min hektar payızlıq dənli bitkilər əkilmişdir ki, bu qədər sahədən 75,8 min ton taxıl məhsulu istehsal edilmişdir.
Yazlıq bitkilər üçün 18,9 min hektar sahədə əkin aparılmışdır. Hesabat ilində  pambıq sahələrindən  6362 ton  məhsul istehsal edilmişdir. Ötən il iri buynuzlu mal-qara  40,3 min başa, xırdabuynuzlu mal-qara   isə 138,2 min başa çatdırılmışdır.
Respublika Prezidentinin tapşırığı ilə 2015-ci ilin ölkəmizdə  “Kənd təsərrüfatı ili”  elan edilməsi  aqrar sahənin inkişafında  əhəmiyyətli rol oynamışdır. 28 yanvar 2016-cı ildə  rayonda pambıqçılığın inkişafı ilə bağlı kənd təsərrüfatı mütəxəssisləri və  mülkiyyətçilərlə görüş keçirilmiş və qərara alınmışdır ki, yaranmış yeni şəraitdə pambıq istehsalının genişləndirilməsinə nail olunsun.
Son illər rayonumuzda  13 yeni məktəb tikilmiş  6 məktəb  yüksək səviyyədə əsaslı  təmir olunaraq istifadəyə  verilmişdir. Ötən tədris ilində   rayonumuzun ümumtəhsil məktəblərini 986 məzun bitirmiş, onlardan 922 nəfəri attestat almışdır. Məzunlarımızdan 205 nəfəri  test imtahanlarından  uğurla çıxaraq  tələbə adını qazanmışlar. Onlardan 21 nəfəri 600-dən, 59  nəfəri isə 500-dən yuxarı bal toplamağa  müvəffəq olmuşdur.
Azərbaycan Respublikası Prezidentinin  tapşırığına əsasən 2015-ci ildə əhalinin tibbi müayinədən keçirilməsi aparılmış,  bu  kompaniya  uğurla  başa  çatmışdır. 83.375 nəfər tibbi  müayinədən keçmişdir ki, bu da rayon əhalisinin  88,3 %-ni təşkil edir. Bu ilin fevral ayının 15-dən əhalinin növbəti tibbi müayinədən keçirilməsinə başlanılmışdır.
2015-ci il rayonumuz üçün həm də  Biləsuvarın 85 illik yubileyi ilə əlamətdar olmuşdur.  Rayonumuzun  inzibati  ərazi  vahidi  kimi yaranmasının   85  illiyi   çox  böyük  təntənə  ilə  qeyd  olunmuş,  rayon  İcra  Hakimiyyətinin təşəbbüsü  və  dəstəyi  ilə  hazırlanmış  “Biləsuvar 85”  kitabı  rayon  əhalisi  tərəfindən  razılıqla  qarşılanmışdır. 
Heydər Əliyev Mərkəzində yeni ailə quran gənclərin nigah mərasimlərinin  təntənəli keçirilməsi artıq ənənəyə çevrilmişdir. İndiyədək Mərkəzdə 300-dən çox  təntənəli  nigah  qeydə alınmışdır. 
Rayonumuzda  əhalinin   üçdə bir hissəsini təşkil  edən  gənc nəslin ideya-siyasi və hərbi-vətənpərvərlik  tərbiyəsinin  gücləndirilməsi də hesabat dövründə  ən çox diqqət yetirilən  sahələrdən biri  olmuşdur. Rayonda gənclərin hərbi-vətənpərvərlik tərbiyəsi daim diqqət mərkəzində saxlanılır.Respublika  Prezidentinin təşəbbüsü ilə  “Ölkəmizi tanıyaq” devizi altında həyata keçirilən  ekskursiya turunda rayonumuzun ümumtəhsil məktəblərinin 40 nəfər  şagirdi Gəncə-Şəmkir-Göygöl  marşrutu üzrə səyahətdən razılıqla  qayıtmış,  bölgənin  tarixi abidələri,  görməli yerləri ilə yaxından tanış olmuşlar.
Rayonumuzda  idmanın  kütləviliyinin artırılması məqsədilə idmanın 12 növü üzrə klublar, işçi və məşqçi-müəllim qrupları  yaradılmışdır.Son  illər  idmançılarımız  müxtəlif  mötəbər  yarışlarda  42  qızıl, 23  gümüş, 26  bürünc  medallar  qazanmışlar.
Məlum olduğu kimi, 2015-ci ilin iyun ayında Azərbaycanda ilk Avropa oyunları keçirilmişdir. Rayonumuzun  gəncləri  ötən  il  may ayının 3-də baş tutan   festivalın “Məşəl yürüşü”ndə də  ruh yüksəkliyi və mütəşəkkillik nümayiş etdirmişlər.
Respublika  Prezidenti  cənab  İlham  Əliyev  2016-cı  ili  “Multikulturalizm  ili”  elan  etmiş,  bu  barədə  xüsusi  Sərəncam  imzalamışdır. Əsrlər  boyu  müxtəlif  xalqların  və dinlərin  nümayəndələri  Azərbaycanda  bir ailə  kimi  sülh, əmin-amanlıq şəraitində yaşamışlar.  Bu  gün  də  multikulturalizmlə  bağlı  meyillərin  gücləndirilməsi  üçün  ölkəmizdə  bütün  zəruri tədbirlər  həyata  keçirilir.
Rayonda  çıxan  “Məhsul”  və  “Region-press”  qəzetləri  rayonun  sosial-iqtisadi və mədəni  inkişafını,  milli- mənəvi  dəyərlərin təbliğini  müntəzəm  işıqlandırır.
01 aprel 2015-ci il tarixdən rayon İcra  Hakimiyyəti başçısı aparatında  Elektron Hökumət portalı yaradılmış, vətəndaşların   elektron formada rayon İcra Hakimiyyəti başçısının, onun müavinlərinin  və şöbə müdirlərinin  qəbuluna yazılmaq imkanı təmin edilmişdir.
Biləsuvar rayon  İcra Hakimiyyəti başçısı aparatına 2015-ci il ərzində 1296 müraciət daxil olmuşdur ki,  bunlardan 387 ədədini Azərbaycan Respublikası Prezidenti Administrasiyasından, 26 ədədini Milli Məclisdən, 38 ədədini Azərbaycan Respublikası Nazirlər Kabinetindən, 93 ədədini respublikanın digər mərkəzi orqanlarından,  751 ədədini vətəndaşlar tərəfindən bilavasitə  rayon İcra Hakimiyyətinə  ünvanlanan müraciətlər təşkil etmişdir. Keçən ilin müvafiq dövrü ilə  müqayisədə ümumi müraciətlərin sayı 234 ədəd, Azərbaycan Respublikası Prezidenti Administrasiyasından daxil olan 128 ədəd,  Nazirlər Kabinetindən 13 ədəd  vətəndaşlar tərəfindən bilavasitə rayon İcra Hakimiyyətinə daxil  olan müraciətlərin sayı  107  ədəd azalmışdır.
Dövlətimizin siyasi kursunun həyata keçirilməsində və quruculuq proseslərində yaxından iştirak edən rayonun  hüquq-mühafizə orqanları tərəfindən cinayətkarlıqla mübarizə, ictimai təhükəsizliyin təmini və ictimai  qaydanın qorunması sahəsində əvvəlki illərlə müqayisədə 2015-ci ildə irəliləyişlər əldə olunmuşdur. Ümumilikdə 211 cinayət hadisəsi qeydə alınmışdır.
Əvvəlki illərdə olduğu kimi 2015-ci ildə də yerlərdə səyyar  görüş-qəbulların mütəşəkkil qaydada keçirilməsi və qaldırılan məsələlərin əksəriyyətinin icrası əsasən təmin edilmişdir.
“Bir bələdiyyə azı bir layihə” təşəbbüsündə iştirak edən rayon bələdiyyələri 2015-ci ildə  35  layihə  həyata keçirmişdir.
Çıxışının sonunda Biləsuvar rayon İcra Hakimiyyətinin başçısı Mahir Quliyev bildirdi ki, “Ölkə Prezidenti cənab İlham Əliyev yekun nitqində qarşıdakı hədəfləri açıqlayaraq bundan sonra da ölkəmizdə əsas sosial  layihələrinin icrasının davam etdiriləcəyini, investisiyaların ölkəmiz üçün prioritet təşkil edən sektorlara yönəldilməsi, sahibkarlığın inkişafına dəstəyin artırılması, ərzaq təhlükəsizliyinin təmin olunması, yeni iş yerlərinin açılması və əhali məşğulluğunun təmin edilməsi  ilə bağlı verdiyi tapşırıq və tövsiyyələrə uyğun olaraq  Biz Biləsuvarlılar da Azərbaycan Respublikasının Prezidenti cənab İlham Əliyevi əmin edirik ki, Respublikamızın hər yerində olduğu kimi Biləsuvar rayonunda da 2015-ci ili  layiqli nəticələrlə başa vurmaqdan ötrü daha böyük əzmlə çalışacağıq” .
Аzərbаycаn Rеspublikаsı Prеzidеntinin Аdministrаsiyаsının məsul işçisi Habil Əzənmədov çıхış еdərək ölkə Prezidenti cənab İlham Əliyevin rəhbərliyi ilə rеspublikаmızda ötən 2015-ci ildə görülən işlər  barədə ətraflı məlumat verdi, cənab Prezidentin tapşırıq və tövsiyyələrinə uyğun olaraq ölkəmizin inkişafı ilə bağlı qarşıya qoyulan hədəfləri açıqladı.
Hesabat iclasında Biləsuvar rayon Maliyyə idarəsinin rəisi Eldar Təhməzov, Suvarma Sistemləri İdarəsinin rəisi Ədalət Babayev, Biləsuvar rayon ƏSMM-nin müdir əvəzi Nazim Məmmədov, “Azərsun” Kənd Təsərrüfatı Məhsulları İstehsalat Müəssisəsinin rəhbəri Dəniz Vural və digərləri çıxış edərək fəaliyyət göstərdikləri sahələr üzrə görülmüş işlər barədə ətraflı məlumat verdilər və qarşıda duran vəzifələr  müzakirə olundu.