Biləsuvarda “Milli mətbuatımız və şanlı 140 il” mövzusunda dəyirmi masa keçirildi.

16 iyul  2015-ci  il tarixdə   Biləsuvar  rayonunda  “Milli mətbuatımız və şanlı 140 il” mövzusunda dəyirmi masa keçirildi.
Tədbirdə   Biləsuvar rayon İcra Hakimiyyəti Başçısının müavini Xəyalə Qəmbərova, rayon “Məhsul” qəzetinin əməkdaşları və  ziyalılar iştirak etdilər.
Tədbirdə   Biləsuvar rayon İcra Hakimiyyəti Başçısının müavini Xəyalə Qəmbərova çıxış edərək milli mətbuatımızın 140 illik yubileyi münasibətilə iştirakçıları təbrik etdi və  əsası Həsən bəy Zərdabi tərəfindən qoyulmuş milli mətbuatın zəngin tarixi inkişaf yolu keçdiyini qeyd edərək  müstəqil Azərbaycanda ictimai həyatın ən müxtəlif sahələri üzrə əldə olunan uğurların ictimaiyyətə çatdırılmasında, dövlətçilik maraqlarının müdafiəsində müasir medianın xidmətlərini yüksək qiymətləndirdi.X.Qəmbərova bildirdi ki, ölkə Prezidenti cənab İlham Əliyevin 2 iyun 2015-ci il tarixli “Azərbaycan milli mətbuatının 140 illik yubileyinin keçirilməsi haqqında” Sərəncamına uyğun olaraq rayonumuzda da  geniş şəkildə qeyd olunur.
Sonra rayon “Məhsul” qəzetinin baş redaktoru Muxtar Əhmədov Milli Mətbuatımızın 140 illik yubileyinə həsr olunmuş məruzə ilə çıxış etdi.
Tədbirdə çıxış edənlər müstəqillik illərində mətbuatın qazandığı böyük uğurların ümummilli lider Heydər Əliyevin adı ilə bağlı olduğunu vurğuladılar.  Heydər Əliyev daima Azərbaycan iqtidarının söz, fikir və mətbuat azadlıqlarının yüksək səviyyədə təminatı sahəsində ardıcıl siyasət həyata keçirdi.Çıxış edənlər Azərbaycan Respublikası Prezidentinin 2 iyul 2015-ci il tarixdə imzaladığı "Azərbaycan milli mətbuatının 140 illik yubileyinin keçirilməsi haqqında" sərəncamını jurnalistlərə yüksək qayğının əyani təzahürü kimi dəyərləndirdilər.
Sonda bir qrup mətbuat nümayəndələri  Fəxri Fərmanlarla təltif olundu.