Biləsuvar rayon Heydər Əliyev Mərkəzində növbəti təntənəli nigah mərasimi keçirildi.

18 aprel 2015-ci il tarixdə  Biləsuvar rayon Heydər Əliyev Mərkəzində iki  gəncin-  Aqşin və Günayın  nigahlarının  təntənəli qeydə  alınması  mərasimi  keçirildi.
Nigah mərasimindən öncə gənclər Heydər Əliyev  parkına gələrək Ulu Öndərin abidəsini ziyarət etmiş, önünə gül dəstələri qoymuşlar. Sonra gənclər Heydər Əliyev Mərkəzində olmuş, burada Ulu Öndərin zəngin irsini, həyat və fəaliyyətini əks etdirən eksponatlarla tanış olmuşlar.
Nigah mərasimində   gənclərin  valideynləri,  yaxın  qohumları, Biləsuvar  rayon  İcra  Hakimiyyətinin  məsul  işçiləri,  Heydər  Əliyev  Mərkəzinin kollektivi və  VVADQ şöbəsinin əməkdaşı   iştirak  etdilər.
Nigah mərasimində çıxış edən Heydər Əliyev Mərkəzinin direktoru Səyalə xanım Şahbazova  hər iki gəncə  xoş arzularını bildirdi, ailənin  əhəmiyyətindən  və   müqəddəs  varlığından  danışdı, yeni  qurulan  gənc  ailəyə xoşbəxtlik  arzuladı.S.Şahbazova bu təşəbbüsün artıq bir ənənə halını aldığını qeyd edərək bildirdi ki, gənclərimiz həvəslə öz nigah mərasimlərini Heydər Əliyev Mərkəzdə qeyd edirlər.
Sonra gənclər arasında nikah müqaviləsi bağlanıldı və nikah şəhadətnaməsi təqdim olundu.
Çıxış edən  mərasim iştirakçıları yeni ailə quran gənclərin nikah mərasimlərinin Heydər Əliyev  Mərkəzində keçirilməsini yüksək qiymətləndirdilər və bu hadisənin gənclərin  həyatlarının ən xoş anları kimi daima xatırlayacaqlarını bildirdilər.
Sonra mərasim iştirakçıları və gənclər musiqi sədaları altında rəqs etdilər.
Sonda yeni ailə quran cütlüyə  xatirə  hədiyyəsi  təqdim olundu.