Heydər Əliyev Mərkəzində Ulu Öndər Heydər Əliyevin irsinin öyrədilməsi ilə əlaqədar ümumtəhsil məktəblərinin XI sinif şagirdlərinə dərslər keçirilir.

05 fevral 2015-ci il tarixdə Heydər Əliyev Mərkəzində Ulu Öndər Heydər Əliyevin irsinin öyrədilməsi ilə əlaqədar növbəti dərs məşğələləri keçirildi.Şagirdlər əvvəlcə   Ulu Öndərin həyat və fəaliyyətindən bəhs edən foto-stendlərə və filmə baxdılar.Keçirilən məşğələlərdə Biləsuvar rayon İcra Hakimiyyəti Başçısının müavini Xəyalə Qəmbərova, rayon Təhsil şöbəsinin müdiri Balaqardaş Kazımov iştirak etdilər.
03 noyabr 2014-cü il tarixdən başlayaraq  Biləsuvar rayon Heydər Əliyev Mərkəzində müasir Azərbaycan tarixinin ümumtəhsil məktəblərində daha səmərəli öyrənilməsi məqsədilə müəyyən edilmiş “Ulu Öndər Heydər Əliyev müstəqil Azərbaycanın qurucusu və memarıdır” və “Ümummilli lider Heydər Əliyevin ideyaları müasir Azərbaycanın sosial-iqtisadi inkişafının təminatçısıdır” mövzuları üzrə XI sinif şagirdlərinə dərslərin tədrisinə başlanılmışdır.
Dərslərin keçirilməsi ilə bağlı tövsiyyələr və tezislər hazırlanaraq təhsil şöbəsinə göndərilmiş və nəzərdə tutulmuşdur ki, hər mövzuya 2 saat ayrılmaqla dərslər noyabr-may aylarını əhatə etsin.Rayon üzrə seçilmiş 7 nəfər tarix müəlliminin tədris etdiyi dərslərdə  rayonun 26 tam orta məktəbindən  937  nəfər XI sinif şagirdi iştirak edir.Bu məqsədlə rayon Təhsil şöbəsi tərəfindən müvafiq qrafik hazırlanmış  və məşğələ günləri müəyyənləşdirilmişdir.
Dərslərin yüksək səviyyədə  keçirilməsinə  rayon İcra Hakimiyyəti  tərəfindən ciddi nəzarət olunur və əməli köməkliklər göstərilir.