“Ən yaxşı məktəbəqədər tərbiyə müəssisəsi” layihəsi çərçivəsində tədbirlər davam edir.

05 dekabr 2014-cü il tarixdə Biləsuvar  rayonunda  “Ən  yaxşı  məktəbəqədər tərbiyə  müəssisəsi”  layihəsinə çərçivəsində Zəhmətabad kənd uşaq bağçasında növbəti  tədbir keçirildi.
            Layihə  rayonun  bütün  məktəbəqədər  təhsil  müəssisələrini  əhatə  etməklə  ilin  sonunadək  davam edəcəkdir. İlin  sonunda  layihəyə  yekun  vurulacaq  və  qalib  “İlin  ən  yaxşı  məktəbəqədər tərbiyə  müəssisəsi” müəyyən  ediləcəkdir.
Tədbirdə Rayon  İcra  Hakimiyyəti başçısının müavini Xəyalə xanım Qəmbərova, məktəbəqədər  tərbiyə  müəssisələrinin kollektivləri, valideynlər  iştirak  etdilər. 
Biləsuvar rayon İcra Hakimiyyəti başçısının  müavini Xəyalə  Qəmbərova  tədbirdə çıxış  edərək  layihə  barədə  ətraflı məlumat  verdikdən sonra  bildirdi  ki, Azərbaycan Respublikasının Prezidenti cənab İlham Əliyev və Heydər Əliyev Fondunun Prezidenti Mehriban xanım Əliyeva tərəfindən məktəbəqədər tərbiyə müəssisələrinə xüsusi qayğının nəticəsidir ki, bu gün Zəhmətabad kəndində ən müasir tələblərə cavab verən bağça fəaliyyət göstərir.50 yerlik bağçada uşaqlarin istirahəti və təhsili üçün hər cür şərait yaradılmışdır.Rayonumuzda bundan əlavə 2 yeni bağça tikilib istifadəyə verilmiş və hazırda 2 yeni bağça binasında son tamamlama işləri aparılır.Aparılan bütün bu işlər rayon rəhbərliyinin təhsilə  olan diqqətinin nəticəsidir.
Bu gün ölkə rəhbərinin həyata keçirdiyi bu siyasətə uyğun olaraq bizim tərbiyə müəssisələrinin kollektivlərinin də üzərlərinə mühüm vəzifələr düşür.Onlar hər bir uşağın sabahın yetkin və sağlan bir vətəndaşı kimi yetişmələri üçün əzmlə çalışmalıdırlar.
Tədbirdə uşaqlar tərəfindən hazırlanmış müxtəlif səpkili səhnəciklər, şer və mahnılar maraqla qarşılandı.
Tədbirin sonunda  bağça  uşaqlarının  əl  işləri  ilə  tanış  olundu və    uşaqlara  hədiyyələr  təqdim  edildi.