Beynəlxalq Əlillər günü” ilə əlaqədar Biləsuvar rayonunda bir sıra tədbirlər keçirildi.

03 dekabr 2014-cü il tarixdə Biləsuvar  rayonunda  “ Beynəlxalq Əlillər Günü” ilə əlaqədar bir sıra tədbirlər keçirildi.
Heydər Əliyev Mərkəzində fiziki cəhətdən qüsurlu uşaqlar üçün təşkil olunan tədbirdə rayon icra hakimiyyəti başçısının müavini Xəyalə Qəmbərova balacaları bayram münasibəti ilə təbrik edib.Ölkəmizdə əlillərin cəmiyyətə inteqrasiyası,onların sosial problemlərinin həllinə yönəlik dövlət siyasətinin real nəticələri konkret faktlarla diqqətə çatdırılıb.Heydər Əliyev Fondunun prezidenti Mehriban Əliyevanın təşəbbüsü ilə əlil uşaqlar üçün keçirilən çoxsaylı tədbirlər,humanitar aksiyalar haqqında da tədbirdə ətraflı məlumat verilib.
Qeyd olunub ki,Biləsuvarda 100-dən çox əlil uşaq var və onlar hərtərəfli qayğı ilə əhatə olunub.Biləsuvar şəhər intenat məktəbində bu kateqoriyalı uşaqların reabilitasiya mərkəzi fəaliyyət göstərir,onların təhsil almaları üçün bütün zəruri tədbirlər görülüb.
Tədbirdə uşaqların hazırladıqları ədəbi-bədii kompozisya təqdim olunub, şerlər səsləndirilib, maraqlı rəqs nümunələri nümayiş etdirilib.
Sonda bir qrup əlil uşağa maddi yardım göstərilib.
Biləsuvar rayonunda Beynəlxalq Əlillər Günü ilə əlaqədar digər tədbir  Qarabağ, Böyük Vətən müharibəsi, Çernobıl, Əfqanıstan  veteranları və əlillərin iştirakı ilə Gənclik mərkəzində keçirildi.
Tədbirdə  rayon icra hakimiyyəti başçısının müavini Elsevər Həsənov çıxış edərək Beynəlxalq Əlillər Gününün tarixinə qısa nəzər salaraq ölkəmizdə əlillərin şəraitinin yaxşılaşdırılması istiqamətində görülən işlər barədə məlumat verdi.O bildirdi ki, Azərbaycan Respublikasının Prezidenti cənab  İlham Əliyevin  birbaşa diqqəti və qayğısının nəticəsidir ki,son illər bir çox müasir sosial reabilitasiya mərkəzləri inşa olunmuş, dövlət vəsaiti hesabına əlillərin xaricdə müalicəsi təmin edilir, onların mənzil şəraiti yaxşılaşdırılır, pensiya  və müavinətləri artırılır. Bu kateqoriyalı insanlar rayonumuzda da daim diqqət mərkəzində saxlanılır.Biləsuvarda əlil insanların sosial rifahının yaxşılaşdırılması üçün görülən tədbirlərdən danışan  digər natiqlər qeyd edib ki,biləsuvarlı  əlillər də dövlətin yaratdığı bütün  imkanlardan yararlanır.74 nəfər müharibə vetranı mənzil, 30 nəfər pulsuz minik avtomobili ilə təmin olunub.
Əlillər onlara yaradılan yüksək şəraitə görə dövlət başçısına  minnətdarlıqlarını bildirdilər.