Biləsuvar rayonunda “Qəhrəmanlıq ənənələrini yaşadaq” devizi altında hərbi vətənpərvərlik günü keçirilmişdir

07  noyabr  2014-cü  il  tarixdə  Biləsuvar  Olimpiya  İdman  Kompleksində  Respulika  Müdafiə  Nazirliyinin  və  Biləsuvar  rayon  İcra  Hakimiyyətinin  təkilatçılığı  ilə  Dövlət  Bayrağı  Gününə  həsr  olunmuş  “Qəhrəmanlıq  ənənələrini  yaşadaq”  devizi  altında  hərbi  vətənpərvərlik  günü  keçirilmişdir.
  Tədbirdə Biləsuvar  rayon  İcra  Hakimiyyətinin  başçısı  cənab  Mahir  Quliyev, Milli  Məclisin  deputatı  Xanhüseyn  Kazımlı, Respublika  Veteranlar  Şurasının  polkovniki  Cəlil  Xəlilov,  Müdafiə  Nazirliyinin  İdarə  rəisi  Rasim  Əliyev,  xalq  artisti,  Prezident  təqaüdçüsü  Zümrüd  Məmmədova,  Əməkdar  artistlər  Hüsniyyə  Heybətova, Elxan  Rza,  Silahlı  Qüvvələrin  mahnı  və  rəqs  ansamblı  iştirak  etmişdir.
  Tədbirin  ssenari  müəllifi  və  quruluşçı  rejissoru  Müdafiə  Nazirliyinin  İdarə  rəisi  polkovnik  Abdulla  Qurbanidir.
Tədbir  Ümummilli  Liderin  abidəsi  və  Biləsuvar  Şəhidlərinin  Xatirə  Komopleksi  önünə əklil  qoyulması  ilə  başlamışdır. Tədbirdə Biləsuvar  rayon  İcra  Hakimiyyətinin  başçısı  cənab  Mahir  Quliyev, Milli  Məclisin  deputatı  Xanhüseyn  Kazımlı, Respublika  Veteranlar  Şurasının  polkovniki  Cəlil  Xəlilov,  Azərbaycan  Respublikasının  Milli  Qəhrəmanı  Mübariz  İbrahimovun  atası  Ağakərim  İbrahimov  çıxış  etmişlər.
Tədbirdə  şəhid  ailələrinin  üzvləri, idarə,  müəssisə  və təşkilat  kollektivləri,  təhsil  müəssisələrinin  və  gənc  nəslin  nümayəndələri  ümumilikdə  1500-dən  çox  adam  iştirak  edirdi.
Tədbir  böyük  ruh  yüksəkliyi  şəraitində  keçmiş,  sürəkli  alqışlarla  davam  etmişdir.