Biləsuvar rayonunda “Azərbaycanda Dövlət və Din münasibətləri” mövzusunda seminar-treninq keçirilmişdir.

27 iyun 2014-cü il tarixdə  Heydər Əliyev Mərkəzində Biləsuvar rayon İcra Hakimiyyətinin təşkilatçılığı ilə“Azərbaycanda Dövlət  və  Din  münasibətləri” mövzusunda  seminar-treninq keçirilmişdir.Tədbirdə rayon İcra Hakimiyyətinin Başçısının birinci müavini Xanlar Məmmədov, Dini  Qurumlarla  İş  üzrə  Dövlət  Komitəsinin sədr  əvəzi Səyyad  Salahlı, hüquq mühafizə orqanlarının rəhbərləri, idarə,müəsisə,təşkilat rəhbərləri,icra nümayəndələri, bələdiyyələr, rayonun din xadimləri və ağsaqqallar iştirak etmişlər.
          Tədbiri giriş sözü ilə açan rayon İcra Hakimiyyətinin Başçısının birinci müavini Xanlar Məmmədov rayonda dövlət və din münasibətləri istiqamətində görülən işlər barədə geniş məruzə etmişdir.X.Məmmədov çıxışını cənab Prezidentin sözlərindən sitat gətirərək  bildirmişdir ki. “Respublika Prezidenti  cənab İlham Əliyev bu barədə demişdir:  “İndiki dövrdə dinlərin cəmiyyətin həyatında  oynadığı rol  dinamik şəkildə dəyişir. Dinlərdən təhrik vasitəsi kimi  istifadə etmək halları”nın  qarşısını almaq üçün  cəmiyyətin bütün təbəqələrinin, xüsusilə siyasətçilərin, alimlərin,  dindarların və din xadimlərinin səfərbər  edilməsi zəruridir. “Bu strateji  istiqamət  bu gün Azərbaycanda  həyata keçirilir və bu  işə daimi nəzarəti və  qayğını bütün  din adamları  hiss edir.”
Xanlar müəllim bildirmişdir ki, Respublikamızın  cənub  bölgəsində  yerləşən  Biləsuvar rayonunda  da  həmişə  dini baxımdan tolerantlıq  hökm  sürmüş,  xalqımıza  xas olan tolerantlıq ənənələri  qorunub saxlanılmışdır.  Rayonumuzda  “Dini etiqad azadlığı haqqında” Azərbaycan  Respublikası  Qanunundan  irəli gələn  vəzifələrin  həyata keçirilməsi  daim diqqət mərkəzində  saxlanılır. Qeydiyyata alınmış  dini qurumlar üçün  qanunauyğun şərait  yaradılır, rayon  ərazisində dini duruma   nəzarət olunması  üçün  zəruri tədbirlər görülür.Rayon İcra Hakimiyyəti yanında  Dini İşlər üzrə Komissiya müntəzəm olaraq  rayon  ərazisində  dini  durumun  vəziyyətini  nəzarətdə saxlayır və qanunamüvafiq  təxirəsalınmaz tədbirlərin  həyata  keçirilməsini təmin edir.Hazırda rayonda 44 məscid  fəaliyyət göstərir ki, onlardan 5-i şəhər ərazisində,  39-u isə  kəndlərdə yerləşir. Rayon ərazisində yaşayan  din adamlarından,  mollalardan  19 nəfəri Qafqaz Müsəlmanları idarəsinin  təşkil etdiyi attestasiyadan keçərək rəsmi dini ayinlərin  icraçısı kimi  fəaliyyət göstərirlər. Bundan əlavə,  rayonda dövlət qeydiyyatından  keçmiş  II dini icma da fəaliyyətdədir. Qeyd etmək istəyirəm ki, rayonda mövcud olan  bütün məscidlərdə  islam dini  ayinlərinin icra olunması üçün  hər bir şərait yaradılmışdır.
Rayon  İcra Hakimiyyəti  dindarlarla  işi daim  diqqət mərkəzində saxlayır, onların iştirakı ilə rayonda  mövcud dini duruma  həsr olunmuş tədbirlər keçirilir,  geniş fikir  mübadilələri  aparılır.
Çıxışının sonunda X.Məmmədov bildirmişdir ki, “Dini etiqad azadlığı haqqında” Qanunun yerinə  yetirilməsi bizim  hər birimizdən  böyük məsuliyyət,  fəal vətəndaşlıq  mövqeyi tələb edir. Hər bir Azərbaycan  vətəndaşı  müqəddəs dinimizin mədəni-əxlaqi  sərvəti kimi  tətbiq olunması üçün  bütün vasitələrdən   istifadə etməyə,  dini maarifləndirmə  işini  gücləndirməyə,  milli-mənəvi  dəyərlərimizi qorumağa borcludur. Bu gün bütün dindarlarımızın  da   üzərində olan əsas məsuliyyətlərdən  biri də daim inkişaf və tərəqqi edən,  dünyəvi dövlətə  çevrilən  Azərbaycanın çiçəklənməsinə  öz töhfələrini verməkdir.  Bu şərəfli yolda  hər birimiz var qüvvələrimizlə çalışmalıyıq.
Sonra çıxış edən Dini  Qurumlarla  İş  üzrə  Dövlət  Komitəsinin sədr  əvəzi Səyyad  Salahlı bildirdi ki, “Bu gün müstəqil Azərbaycan  dövlətində   cəmiyyət  və dövlət üçün  təhlükə yaratmayan  islam və qeyri islam dini, ideya-siyasi cərəyanlar, və məzhəblərə münasibət birmənalıdır. Onlar fəaliyyətlərini həyata keçirməkdə bərabər hüquqa  malikdirlər.1995-ci ildə  qəbul edilmiş Azərbaycan Konstitusiyasında  insanların  bütün azadlığı, o cümlədən dini azadlığı təsbit edilmiş, “Dini etiqad azadlığı  haqqında” Azərbaycan Respublikası Qanununa  dəyişikliklər və əlavələr  edilərək dinimizin yad  təsirlərdən  qorunmasına,   digər mənfi meyllərin  qarşısının   alınmasına  hərtərəfli şərait  yaradılmışdır. Respublika Dini Qurumlarla  iş  üzrə  Dövlət Komitəsinin  də yerli icra strukturları ilə birlikdə  keçirdiyi tədbirlərdə, görüşlərdə əsas məqsədi  Respublikamızda  dövlət-din münasibətlərinin daha yüksək səviyyədə   tənzimlənməsi,  dini-maarifləndirmə işinin  təşkili və həyata  keçirilməsi, həmçinin dini  icmaların  cəmiyyətdə radikalizm  meyllərinin qarşısının alınması  və sosial  problemlərinin həlli prosesinə  cəlb olunması olduğunu  diqqətə çatdırmaqdır.
Milli Təhlükəsizlik Nazirliyi Biləsuvar rayon şöbəsinin rəisi İlqar Quliyev çıxış edərək, bu sahədə gördükləri işlərdən danışaraq bildirdi ki, ölkəmizdə siyasi sabitliyi bu gün də pozmağa çalışan xarici və daxili qüvvələr vardır.Biz öz işimizlə daim çalışırıq ki, dövlətçiliyimizə və müstəqilliyimizə zərbə vurmaq istəyən, din pərdəsi altında gizlənərək öz çirkin əməllərini həyata keçirmək istəyənlər qanun qarşısında cavab versinlər.
Digər çıxış edən natiqlər də bu sahədə görülən işlərdən danışaraq dinimizi yad ünsürlərdən qorumanın yolları barədə fikir mübadiləsi apardılar.