Biləsuvar rayonunda “Azərbaycan regionlarında məişət zorakılığına qarşı hüquqi maarifləndirmənin təşkili” layihəsi çərçivəsində dəyirmi masa keçirildi.

19  may  2014-cü  il tarixdə Biləsuvar  rayonunda  Qadın  Problemlərinin  Tədqiqatları  Mərkəzi  İctimai  Birliyinin və Biləsuvar rayon İcra Hakimiyyətinin təçkilatçılığı  ilə “Azərbaycan  regionlarında  məişət  zorakılığına  qarşı  hüquqi   maarifləndirmənin  təşkili”  layihə  çərçivəsində dəyirmi  masa  keçirildi.
Tədbirdə  Biləsuvar rayon  İcra  Hakimiyyətinin  məsul  işçiləri, Demokratik  Təsisatlar  və  İnsan  Hüquqları  İctimai  birliyinin  sədri  Elçin Abdullayev, Rayon  Qadınlar  Şurasının  sədri  Xalidə  Ağayeva,  rayonun  digər  rəhbər  və  ziyalı  qadınları  iştirak  etdi.Tədbirdə   Qadın  Problemlərinin  Tədqiqatları  Mərkəzi  İctimai  Birliyinin sədri  Sevil  Allahverdiyeva  çıxış  edərək  təşkilatın  fəaliyyətində  gender  bərabərliyi,  qadınların  ictimai proseslərdə  iştirakı,  məhbus  qadınların  hüquqlarının müdafiəsi   istiqamətində  maarifləndirmə  işlərinin  aparılmasının  vacibliyini  vurğuladı.Ekspert  Elçin Abdullayev  Qadınlara  qarşı   zorakılığın  qarşısının  alınması  və  qadınların  kişilərlə  bərabər  hüquqlarla  təmin  olunması  kimi  aktual  məsələlərdən danışdı.
Rayon  Qadınlar  Şurasının  sədri  Xalidə  Ağayeva  zorakılığın  baş  vermə  səbəbləri,  formaları  və  digər nəticələi  haqqında ətraflı məlumat verdi.
Biləsuvar  rayon  İcra  Hakimiyyətinin  məsul  işçisi  Ləman  Yüzbaşova ,Yetkinlik  yaşına  çatmayanların  işləri  və  hüquqlarının  müdafiəsi  üzrə  komissiyanının  məsul  katibi  Məhərrəm  Qurbanov   dünyada  insanlar  gender  əsaslı  zorakılıga  qarşı  mübarizə  aparmaq    və  stereotipləri  dəyişməyə  yönəlmiş  tədbirlərin vacibliyini  vurğuladılar. Mövzu  ətrafında  geniş  müzakirələr  aparıldı.