Biləsuvar Rayon İcra Hakimiyyətinin başçısı Faiq Qürbətov rayonun ən yaşlı qadını Əliyeva Balış Rüstəm qızını ziyarət etdi

02 mart 2022 | 16:00

02 mart 2022-ci il tarixdə Biləsuvar Rayon İcra Hakimiyyətinin başçısı Faiq Qürbətov 8 Mart–Beynəlxalq Qadınlar Günü münasibətilə Amankənd kənd sakini 100 yaşlı Balış nənəni evində ziyarət etdi. Səmimi görüş zamanı Rayon İcra Hakimiyyətinin başçısı Faiq Qürbətov və qonaqlar 8 Mart Beynəlxalq Qadınlar Günü münasibətilə nənəni təbrik etdilər, xoş arzularını çatdırdılar.
Rayonumuzun nurüzlü yaşlı qadını Əliyeva Balış öz keçmiş xatirələrindən, uzunömürlüyün sirlərindən danışdı. Balış nənənin 9 övladı, 100-ə yaxın nəvə, nəticə, hətta kötücələri də var. Balış nənə qarşıdan gələn Novruz bayramı münasibətilə rayon rəhbərini, kollektivi, biləsuvarlıları təbrik etdi, ağbirçək xeyir-dualarını çatdırdı.
Balış nənəyə Allahdan uzun ömür arzulayırıq.

Keçidlər