Biləsuvar rayon Səhiyyə işçiləri Ümummlli lider Heydər Əliyevin anadan olmasının 91-ci ildönümünə həsr olunmuş tədbir keçirmişlər.

       05  may 2014-cü  il tarixdə Biləsuvar rayon Səhiyyə işçiləri Ümummmilli  lider  Heydər  Əliyevin  anadan  olmasının  91-ci  ildönümünə  həsr  olunmuş   tədbir  keçirmişlər.
       Tədbirdə   Biləsuvar  rayon  İcra  Hakimiyyəti başçısının  müavini  Xəyalə xanım Qəmbərova,  rayon  Səhiyyə  Şöbəsinin  müdiri  Şamil Cəfərov  və rayonun çoxsaylı həkim kontingenti  iştirak edirdi.Əvvəlcə Ulu öndərin abidəsi ziyarət olundu, önünə gül dəstələri qoyuldu.Tədbir  Ulu  Öndərə  həsr  olunmuş  qısametrajlı  filmin  nümayişi  ilə  başladı.Sonra   Səhiyyə  Şöbəsinin  müdiri  Şamil Cəfərov şıxış edərək   Ulu  Öndərin həyat və fəaliyyətindən, onun rəhbərliyi dövründə həyata keçirdiyi səhiyyə  islahatlarından,  bu sahədə gördüyü ölçüyəgəlməz işlərdən danışdı.O, qeyd etdi ki, Ulu Öndər respublikamıza rəhbərliyinin hər iki dövründə çalışmışdır ki, ölkəmizdə inkişaf etmiş bir səhiyyə sistemi olsun, müasir tələblərə cavab verən xəstəxanalarımız fəaliyyət göstərsin və burada ixtisaslı və savadlı həkimlərimiz çalışsınlar.Bu gün ölkəmizdə bu siyasəti cənab Prezidentimiz İlham Əliyev uğurla davam etdirir.Artıq hər bir rayonumuzda ən müasir formada fəaliyyət göstərən tibb müəssisələrimiz vardır.Rayonumuzda da yaxın vaxtlarda əsaslı təmiri başa çatacaq Mərkəzi xəstəxanamızın binasının aşçılış mərasimi olacaqdır.
       Sonra Biləsuvar  rayon  İcra  Hakimiyyəti Başçısının  müavini  Xəyalə xanım  Qəmbərova   çıxış edərək   Ulu  Öndərin  müdrikliyi,  uzaqgörənliyi, Azərbaycanda taleyüklü  məsələlərin  həllində atdığı qətiyyətli addımlardan danışdı.O bildirdi ki, Heydər Əliyev istər sovetlər dönəmində Azərbaycana rəhbərliyi dövründə, istərsə də 1993-cü ildəki qayıdışından sonra ölkəmizin inkişafı məqsədilə  bir çox ölçüyəgəlməz layihələr həyata keçirdi. Ulu Öndər müasir dövlətçilik sistemimizin siyasi dayaqlarını yaratmaqla XX əsrin sonunda yenidən əldə etdiyimiz müstəqilliyimizin əbədi və dönməz xarakter almasına nail olmuşdur.   Məhz bu kimi misilsiz xidmətləri sayəsində Heydər Əliyev xalqının siyasi və dövlətçilik şüurunda ümummilli lider yüksəkliyini fəth etmişdir.
       Tədbirdə çıxış edən səhiyyə işçiləri Ulu  Öndərin  həyat  və  yaradıcılığını  geniş  şəkildə  şərh  etdilər.