Biləsuvarda “Breyn-rinq” intellektual oyunu üzrə rayon birinciliyi keçirilib.

16-17 fevral 2022-ci il tarixlərində Rayon İcra Hakimiyyətinin, Gənclər və İdman İdarəsinin, Təhsil Şöbəsinin birgə təşkilatçılığı ilə “Breyn-rinq” intellektual oyunu üzrə rayon birinciliyi keçirilib. Birincilikdə rayonun ümumtəhsil məktəblərindən 27 komanda üzrə 162  məktəbli iştirak edib. Yarışın açılış mərasimində çıxış edən Rayon Gənclər və İdman İdarəsinin rəisi Azad Quliyev iştirak edən bütün komandalara uğurlar arzulayaraq bildirib ki, yarışın keçirilməsində əsas məqsəd istedadlı gəncləri üzə çıxarmaq, gənclərin asudə vaxtını səmərəli təşkil etməkdir. Seçmə mərhələlərdən sonra ən yaxşı 6 komandanın iştirakı ilə yarışın final mərhələsinə start verilib. Maraqlı keçən yarışın sonunda Ağayrı kənd tam orta məktəbin “Şuşa” komandası birinci yerə, Mübariz İbrahimov adına lisey-məktəbin “Mübarizlər” komandası ikinci yerə, Şəhər 6 saylı tam orta məktəbin “Xarı Bülbül” komandası isə üçüncü yerə layiq görülüb.
    Mükafatlandırma mərasimində çıxış edən Rayon İcra Hakimiyyətinin başçısı Faiq Qürbətov intellektual gəncləri qələbə münasibətilə təbrik edib, uğurlarının davamlı olmasını arzulayıb. Bildirib ki, ölkəmizin inkişafı eyni zamanda gənclərimizin hərtərəfli inkişafından, xüsusən də daha yaxşı təhsil almalarından asılıdır. Gənclər daim hərəkətdə olmalı, özünün kəşf etdiyi istiqamət üzrə potensialını artırmalı və Vətəninə, dövlətinə bağlı olmaqla qüsursuz xidmət etməlidir. Ölkəmizin davamlı inkişafı üçün onların üzərinə böyük yük düşür.
    Sonda qaliblərə kubok və diplomlar təqdim olunub.