Biləsuvar rayonunda Ümummlli lider Heydər Əliyevin anadan olmasının 91-ci ildönümünə həsr olunmuş tədbir keçirilmişdir.

7 may  2014-cü  il  tarixdə  Heydər  Əliyev  Mərkəzində  Biləsuvar rayon  İcra  Hakimiyyəti tərəfindən    Ulu  Öndər  Heydər  Əliyevin  anadan  olmasınının  91-ci  ildönümü  ilə  əlaqədar  ümumrayon  tədbiri  keçirildi.Tədbirdə rayon  İcra  Hakimiyyətinin  başçısı  Mahir Quliyev,  Milli Məclisin  deputatı  Xanhüseyn  Kazımlı, Azərbaycan  Respublikası Prezidenti yanında  Dövlət  İdarəçilik  Akademiyasının  Siyasi Araşdırmalar İnstitutunun  direktoru, professor  Elman  Nəsirli, Azərbaycan  Respublikası Prezidenti yanında  Dövlət  İdarəçilik  Akademiyasının rektorunun müşaviri, professor  Musa  Quluzadə, hüquq-mühafizə  orqanlarının rəhbərləri,  rayon  ziyalıları, veteranlar və kütləvi informasiya vasitələri nümayəndələri  iştirak  edirdi.Tədbir  iştirakçıları  əvvəlcə  Ulu  Öndər  Heydər  Əliyevin  abidəsi  önünə  gül dəstələri  qoyaraq  ehtiramlarını  bildirdilər.Tədbir  Dövlət  Himni  ilə  başladı,  sonra  Ulu  Öndərin  həyat  və  fəaliyyətini  əks  etdirən  qısametrajlı  film  nümayiş  olundu.
Tədbiri  giriş  sözü  ilə  açan  rayon  İcra  Hakimiyyətinin  başçısı  Mahir Quliyev  Ulu  Öndərin  həyat  və  fəaliyyəti  haqqında  geniş  məruzə  etdi.O, bildirdi ki,  Azərbaycanın son otuz ildən artıq bir dövrünü əhatə ‎edən tarixi taleyi Heydər Əliyevin adı ilə qırılmaz tellərlə ‎bağlıdır. Bu illər ərzində xalqın ictimai-siyasi, iqtisadi və ‎mədəni həyatının bütün sahələrində dirçəliş məhz onun ‎adı ilə əlaqədardır. Heydər Əliyev rəhbərlik etdiyi bu dövr ‎ərzində daim tərəqqisi üçün çalışdığı, zəngin ‎mədəniyyəti, böyük tarixi keçmişi ilə həmişə qürur ‎duyduğu və gələcək nəsillərinin taleyi üçün düşündüyü ‎doğma yurdu Azərbaycanı bir dövlət kimi zamanın ağır ‎və sərt sınaqlarından çıxarmışdır.‎Qeyri-adi şəxsiyyəti, siyasət və dövlət xadiminə xas olan böyük istedadı ilə fərqlənən, xarizmatik lider olan Heydər Əliyev hələ sağlığında canlı əfsanəyə çevrilmişdi.Bu gün  Ulu öndərin qurub yaratdığı və bizə yadigar qoyduğu  müstəqil respublikamız Cənab Prezidentimiz İlham Əliyev tərəfindən layiqincə qorunur, inkişaf elətdirilir və dünyada söz sahibi olan ölkəyə çevrilir.
Sonra  Milli Məclisin  deputatı  Xanhüseyn  Kazımlı  çıxış  edərək  Ulu  Öndərin  hakimiyyətə  gəlişi  və  siyasi  fəaliyyəti,  Azərbaycanın  o  dövrki  taleyüklü  problemlərin  həllində  Ulu  Öndərin  uzaqgörən  siyasəti  və  müdrikliyi  haqqında ətraflı danışdı.
Dövlət  İdarəçilik  Akademiyasının  Siyasi Araşdırmalar İnstitutunun  direktoru, professor  Elman  Nəsirli  1990-cı  illərin əvvəllərindən  başlayaraq Ulu  Öndərin  ilk  dəfə müstəqil  Azərbaycan  Respublikasına  rəhbərlik  etdiyi  dövrdən  siyasi  fəalliyyət  sferasını  geniş  şəkildə  analiz  edərək, Azərbaycan Respublikasının  dünya  dövlətləri  ilə  əməkdaşlığında  Ulu  Öndərin  xüsusi  xidmətləri  olduğunu  qeyd  etdi.
Tarix  elmlər doktoru, professor  Musa  Quluzadə    çıxış  edərək  Ulu  Öndərin Azərbaycana  rəhbərlik  etdiyi  dövrdən başlayaraq müasir  dövlətçilik  ənənəsinin  yaranmasına  qədər  keçdiyi  inkişaf  yolunu  geniş  şəkildə  izah  etdi.
Daha  sonra   YAP-ın rayon təşkilatının sədri  Kamil  Mirzəyev, Gənclər  və  İdman  İdarəsinin  rəisi  Aqşin  Bağırov, Heydər Əliyev  Mərkəzin  direktoru  Səyalə  Şahbazova,  Həkim  Xoşbəxt  Ağayeva çıxış edərək  Ulu  Öndərin istər sovetlər ittifqı zamanı, istərsə də müstəqil respublikamıza rəhbərliyi dövrlərində həyata keçirdiyi islahatlardan,dövlət quruculuğu sahəsində gördüyü işlərdən, ölkənin sosial inkişafına yönəlmiş layihələrdən danışdılar.