Yeni Azərbaycan Partiyası Qadınlar Şurası Biləsuvar rayon təşkilatı növbəti konfransını keçirmişdir.

29 aprel 2014-cü il tarixdə Yeni Azərbaycan Partiyası Qadınlar Şurası Biləsuvar rayon təşkilatının konfransı keçirildi. YAP Biləsuvar rayon təşkilatının akt zalında keçirilən konfransın işində  ərazi ilk partiya təşkilatlarından seçilmiş 100 nəfər nümayəndə iştirak edirdi.
        Konfrans iştirakçıları ilk öncə Ümummilli Lider Heydər Əliyevin abidəsi önünə gül dəstələri qoydular.
           Əvvəlcə Ulu öndər Heydər Əliyevin xatirəsi bir dəqiqəlik sükutla yad edildi. Sonra YAP Biləsuvar rayon təşkilatının sədri Kamil Mirzəyev   gündəlikdə duran məsələlər barədə məlumat verdi. K.Mirzəyev ölkəmizin  ictimai-siyasi və sosial həyatında qadınların rolunun yüksək olduğunu qeyd  etdi.O, bildirdi ki, dövlət tərəfindən qadınlarımızın hüquqlarının  yüksək səviyyədə qorunmasına zəmanət verilir, onlara diqqət və qayğı  göstərilir.Bu qayğının əsası Ulu Öndər Heydər Əliyev tərəfindən  qoyulub və bu ənənə Prezident İlham Əliyev tərəfindən  davam  etdirilir.Natiq daha sonra qeyd etdi ki, ölkəmizin ictimai-siyasi həyatında  son zamanlar qadınların rolunun daha da yüksəlməsində Heydər Əliyev Fondunun Prezidenti, Azərbaycanın birinci xanımı, YUNESKO-nun və İSESKO-nun  xoşməramlı səfiri, millət vəkili Mehriban xanım Əliyevanın Azərbaycan  qadınına nümunə olacaq formada gördüyü işlərin də təsiri  çox böyükdür. K.Mirzəyev rayon təşkilatı qadınlar şurasının işinin də  təqdirəlayiq olduğunu qeyd etdi.
             YAP Qadınlar Şurası rayon təşkilatının sədri Xoşbəxt Ağayeva  ötən Konfransdan keçən müddət ərzində rayon qadınlar şurasının  gördüyü işlərdən danışdı.O, qeyd etdi ki, bu müddət ərzində qadınlarımızın ölkəmizin ictimai-siyasi həyatında baş verən  prosesslərdən fəaliyyəti daha da yüksəlmişdir. Xoşbəxt Ağayeva ötən konfransdan keçən müddət ərzində qadınların partiya sıralarına qəbulunun artıdığını xüsusi vurğuladı.Belə ki,  ötən konfransdan keçən müddət ərzində 464 nəfər qadın  partiya sıralarına qəbul edilmiş,  rayon təşkilatında qadınların sayı  1234 nəfər olmuşdur.O, eyni zamanda  09 oktyabr 2013-cü il tarixdə keçirilən prezident seçkilərində rayon təşkilatı qadınlar şurasının yüksək fəallıq göstərdiyini qeyd etdi.
           Konfrans nümayəndələrindən  Ləman Yüzbaşova, Səyalə Şahbazova, Rəvanə Feyziyeva çıxış edərək  rayon Qadınlar Şurasının gördüyü işlərin  qənaətbəxş olduğunu qeyd etdilər.
            Konfransda YAP Qadınlar Şurası rayon təşkilatının yeni tərkibi seçildi. Yüzbaşova Ləman Cəbrayıl qızı yekdilliklə YAP Qadınlar Şurası rayon təşkilatının yeni sədri seçildi.
            Konfransda YAP Qadınlar Şurasının Konfransına  nümayəndələr seçildi.
            Konfransın sonunda  Azərbaycan Respublikasının Prezidenti, Yeni  Azərbaycan Partiyasının sədri  cənab İlham Əliyevə müraciət qəbul olundu.