Biləsuvar rayon Gənclər və İdman İdarəsinin təşkilatçılığı ilə Ümummilli Lider Heydər Əliyevin anadan olmasının 91 illiyinə həsr olunmuş futbol üzrə rayon birinciliyinə start verilmişdir.

25 aprel 2014-cü il tarixdən başlayaraq  rayon Gənclər və İdman İdarəsinin təşkilatçılığı ilə Ümummilli Lider Heydər Əliyevin anadan olmasının 91 illiyinə həsr olunmuş ümumtəhsil məktəbləri komandaları arasında futbol üzrə rayon birinciliyinə start verilmişdir.
            Olimpiya İdman Kompleksində keçirilən yarışlara rayonun 26 məktəb komandası  qatılmışdır.Birincilik Ümummilli liderin doğum günü ərəfəsində yekunlaşacaq,  qaliblər  fəxri fərmanlar və hədiyyələrlə mükafatlandırılacaqlar.
Açılış mərasimində çıxış edən Gənclər və İdman İdarəsinin rəisi Aqşin Bağırov bildirmişdir ki,  yarışların keçirilməsində əsas məqsəd rayonda idmanın kütləviliyinin artırılması, uşaq, yeniyetmə və gənclərin fiziki sağlamlığının möhkəmləndirilməsi və  zərərli vərdişlərdən tamamilə uzaq bir gənc nəslin yetişməsidir. Azərbaycan Respublikasının Prezidenti cənab İlham Əliyevin tapşırığına uyğun olaraq bunun üçün rayonda  futbol, voleybol, basketbol, güləş, cüdo, boks, taekvando, üzgüçülük, gimnastika, yüngül atletika və s. idman  növləri üzrə  idman klublarının yaradılması üçün,  müxtəlif yaşlı uşaq, yeniyetmə və gənclər arasında onların maraqları, fiziki göstəriciləri  nəzərə alınmaqla seçim işlərinin aparılması işlərinə başlanılmışdır. Bu məqsədlə  təhsil müəssisələrinin müəllimlərindən ibarət məşqçi-müəllim qrupları yaradılmış, rayonda  mövcud olan  idman obyektlərindən və  Olimpiya İdman Kompleksinin güçündən maksimum səviyyədə  istifadə edilməklə nəzərdə tutulmuş tədbirlərin icrası davam etdiriləcəkdir.